Prezident Mižnarodnaj fiederacyi futboła (FIFA) Jozef Błater zajaviŭ, što vyrašyŭ pakinuć svaju pasadu ŭ suviazi z karupcyjnym skandałam, jaki razhareŭsia vakoł arhanizacyi.
AFP
Pa słovach Błatera, jaho pierajemnika vybieruć na śpiecyjalnym kanhresie. Da hetaha momantu jon praciahnie vykonvać abaviazki kiraŭnika arhanizacyi.
Na minułym tydni Błater vyjhraŭ čarhovyja vybary prezidenta arhanizacyi. Jaho adziny kankurent — ijardanski prync Ali — źniaŭ svaju kandydaturu paśla taho, jak prajhraŭ u pieršym tury z razhromnym likam.
Vybary pravodzilisia na fonie najbujniejšaha karupcyjnaha skandału ŭ historyi FIFA. Šviejcarskija pravaachoŭnyja orhany zatrymali pa padazreńni ŭ atrymańni chabaraŭ 9 čynoŭnikaŭ arhanizacyi.
U suviazi z hetym Błatera zaklikali syści ŭ adstaŭku, adnak da ciapierašniaha času jon admaŭlaŭsia. Mnohija futbolnyja asacyjacyi vykazali zasmučeńnie ŭ suviazi ź jaho pieravybrańniem, u toj čas jak Rasija ŭchvaliła vyniki vybaraŭ.
