Kancert vykanaŭcy Źmitra Vajciuškieviča, jaki mieŭsia siońnia prajści ŭ minskim kłubie «Piraty», nie adbudziecca.
Pra heta napisaŭ u svaim fejsbuku arhanizatar kancerta Siarhiej Budkin.
«My zmahalisia da apošniaha, — napisaŭ jon. — Za Vajciuškieviča, bo Dzimava tvorčaść vartaja taho, kab za jaje zmahacca. Za siabie, bo nielha voś tak uziać nas i pierastupić, adkinuć, praihnaravać. Za Vas — tych, chto pavieryŭ, što kancert my zrobim najlepšym čynam i zahadzia nabyŭ kvitki (stoliki razyšlisia za pieršyja dva dni prodažu, za dva tydni da pačatku było pradziena 60% tancplacu). Padrabiaznaści tut.
Dziakujučy našym siabram z Tut.by my vychodzim z hetaj situacyi pryhoža — robim tvorčuju sustreču i aŭtohraf-siesiju ŭ halerei Tut.by 8 lutaha.
Prosim pastavicca z razumieńniem - placoŭka moža pryniać tolki tych, chto ŭžo nabyŭ kvitki na kancert, jaki nam sarvali ŭ «Piratach». Na viečarynie možna viarnuć hrošy za kvitok albo achviaravać hetuju ŭžo spłačanuju sumu na karyść muzykaŭ i kampiensacyju strataŭ na arhanizacyju kancertu».
Akrom taho, my padali novuju zajavu na prava praviadzieńnia kancertu Vajciuškieviča ŭ bližejšy čas u adnym ź minskich kłkbaŭ, napisaŭ Siarhiej Budkin.
Dziakuj za razumieńnie i padtrymku.
