Prajekt Hyperloop va ŭjaŭleńni mastaka
Testavy trek ambicyjoznaha transpartnaha prajektu chutčej za ŭsio budzie raźmiešany ŭ Techasie, ZŠA. Jon budzie pryznačany jak dla kamiercyjnych kampanij, tak i dla hrup studentaŭ. Ełan Mask taksama dumaje ab studenckim spabornictvie – honkach kapsuł Hyperloop.
Prajekt Hyperloop byŭ pradstaŭleny ŭ 2013 hodzie. Jon składajecca ź sistemy trub na estakadach, pa jakich z chutkaściu da 965 km/hdz pieramiaščajucca kapsuły z 28 pasažyrami. U trubach padtrymlivajecca nizki cisk, kapsuły ruchajucca nad dnom, faktyčna latuć praz zapampoŭku pad ich pavietra i aeradynamiku.
Hyperloop dazvolić źviazać Łos-Andželes i San-Francyska i pieraadoleć adlehłaść u 550 km miž imi chutčej niž za paŭhadziny.
Zvyšchutkasnyja «latučyja ciahniki» dziejničajuć užo siońnia: jany zavucca mahlevami, pracujuć pa pryncypie mahnitnaj levitacyi. Jany dastatkova kamfortnyja i biaśpiečnyja dla pasažyraŭ, ale spažyvajuć niamała enierhii dy kaštujuć niamałych hrošaj. Prajekt Ełana Maska abiacaje vyrašyć abiedźvie prablemy.
Ełan Mask nazyvajecca adnym z pratatypaŭ Toni Starka ŭ ekranizacyi komiksaŭ pra Žaleznaha Čałavieka. Sam Mask źjaŭlaŭsia ŭ epizodzie filma «Žalezny čałaviek 2» u roli samoha siabie. Fota: Time
Prajekty Ełana Maska hučać fantastyčna, ale ździajśniajucca. Jaho płaciožnaja sistema PayPal dabrałasia da Biełarusi letam 2014 hoda. Užo siońnia možna kupić vysokatechnałahičnyja elektramabili jaho kampanii Tesla, a z dapamohaj rakiet i kaśmičnych karabloŭ jaho kampanii SpaceX dastaŭlajucca hruzy na MKS – pry hetym rakiety amal atrymałasia zrabić šmatrazovymi.
