MZS Ukrainy źviarnuŭsia ŭ MZS Biełarusi z prośbaj rastłumačyć incydent padčas kancertu ŭkrainskaha hurtu «Okiean Jelzi» ŭ Minsku, kali supracoŭniki pravaachoŭnych orhanaŭ zabrali ŭkrainskija ściahi ŭ naviedvalnikaŭ kancertu.
«MZS Biełarusi, kalehi, heta narmalna? Niaŭžo ŭkrainski ściah zabaronieny ŭ Biełarusi?», — napisaŭ pa-biełarusku pradstaŭnik ukrainskaha MZS Jaŭhien Pierabijnis na staroncy MZS Ukrainy ŭ Twitter, dadaŭšy spasyłku na videa Youtube, dzie vidać, jak supracoŭnik MUS Respubliki Biełaruś adbiraje ŭkrainski ściah u adnoj ź dziaŭčat.
Videa z samoha kancerta:
21 listapada ŭ Minsku adbyŭsia kancert ukrainskaha hurta «Akijan Elzy». Jak paviedamlali prysutnyja, na ŭvachodzie ŭ «Minsk-Arenu» milicyja zabaraniła im pranosić ŭkrainskija ściahi.