15:25
U sudzie Centralnaha rajona Minska vyniesieny prysud hramadskamu aktyvistu Juryju Rubcovu. Jon pryznany vinavatym, jamu asudežany na 1,5 hoda abmiežavańnia svabody (2 hady i 6 miesiacaŭ minus 1 hod pavodle amnistyi). U Rubcova jość 10 dzion na abskardžańnie prysudu.
***
Prakuror Hardziejenka zapatrabavaŭ dla hramadskaha aktyvista z Homiela Juryja Rubcova pakarańnie ŭ vyhladzie abmiežavańnia svabody terminam na try hady, a taksama skasavańnie hoda z ulikam amnistyi. Advakat prasiŭ abo apraŭdać padabaronnaha, abo pryznačyć miakčejšaje pakarańnie, uličvajučy stanoŭčyja charaktarystyki i adsutnaść raniejšych pakarańniaŭ.
Pravaabaronca Stefanovič: Kali Rubcova asudziać, my pryznajem jaho palitviaźniem
***
Praces nad Juryjem Rubcovym pačaŭsia 16 vieraśnia ŭ sudździe Centralnaha rajona Minska, jaho abvinavačvajuć u abrazie sudździ.
Pavodle viersii abvinavačvańnia, Rubcoŭ abraziŭ sudździu Kiryłu Pałulecha, jaki jaho sudziŭ paśla zatrymańnia na akcyi «Čarnobylski šlach — 2014». Na «Šlachu» Rubcoŭ chadziŭ u majcy z nadpisam «Łukašenka, sychodź». Choć Kanstytucyja harantuje svabodu słova i dumki, sudździa Pałulech zu tuju majku kinuŭ Rubcova pad aryšt. Rubcoŭ u adkaz nazvaŭ jaho «padonkam». Sudździa abraziŭsia…
Rubcovu inkryminujuć artykuł 391 Kryminalnaha kodeksa «Abraza sudździ ci narodnaha zasiadaciela».
Praces viadzie sudździa Natalla Vajciachovič.
