Fota zroblena hod tamu, Paŭła paśla 15-sutkavaha aryštu sustrakaje žonka Śviatłana, fota Iryny Arachoŭskaj.
Pra heta ŭ Facebook paviedamiła žonka Paŭła Śviatłana.
Jana napisała kala 17:00-18:00: «Siońnia čaćvier. Vy ŭžo zdahadvajeciesia, tak? Pavieł pajšoŭ adznačacca [u milicyju, jon pad previentyŭnym nahladam — NN], patelefanavaŭ i skazaŭ, što tam niejki dziŭny kipiš, suviazi ź im niama ŭžo kala hadziny».
Kala 21:00 Śviatłana ŭdakładniła, što muž zatrymany za administracyjnaje pravaparušeńnie, a ŭ piatnicu — sud u Maskoŭskim rajonie.
***
26-hadovy Pavieł Vinahradaŭ — adzin ź fihurantaŭ kryminalnaj spravy ab masavych biesparadkach u Minsku 19 śniežnia 2010 hoda, byŭ asudžany na čatyry hady kałonii ŭzmocnienaha režymu, vyzvaleny ŭ vieraśni 2011 h. na padstavie ŭkaza Łukašenki ab pamiłavańni. Jak minimum da 25 kastryčnika budzie znachodzicca pad previentyŭnym nahladam.
Za try hady Pavieł nieadnarazova zatrymlivaŭsia i atrymoŭvaŭ administracyjnyja sutki. Apošni raz byŭ zatrymany 11 vieraśnia i asudžany na 15 sutak, na volu vyjšaŭ 26 vieraśnia.
Usiaho na Paŭła było zaviedziena 17 administracyjnych spravaŭ, a kolkaść sutak, praviedzienych za kratami, naličvaje bolš za sotniu.