Druhoje paražeńnie zapar paciarpieła minskaje «Dynama» ŭ čempijanacie KCHŁ. 8 vieraśnia ŭ Sankt-Pieciarburhu kamanda Lubamira Pokaviča prajhrała miascovamu SKA ź likam 2:5 (1:1, 1:2, 0:2).
U «Dynama» šajby zakinuli Artur Haŭrus (16.01, u bolšaści, pas — Alaksiej Kalužny), Dźmitryj Mialeška (35.52, Alaksandr Kułakoŭ).
Treba adznačyć, što ŭ składzie «Dynama» ŭpieršyniu vyznačylisia ajčynnyja chakieisty: u dvuch startavych pajadynkach zakidvali i addavali halavyja pieradačy vyklučna lehijaniery.
Paśla troch hulniaŭ «Dynama» z 2 ačkami zajmaje dziaviataje miesca ŭ Zachodniaj kanfierencyi, atrymaŭšy 1 pieramohu ŭ aviertajmie i paciarpieŭšy 2 paražeńni ŭ asnoŭny čas (roźnica šajb 9-13).
Bambardziry pa sistemie «hoł+pas»: Čyču — 7 (4+3), Linhle, Elisan — pa 3 (1+2), Vieskie — 2 (0+2), Haŭrus, Mialeška, Ščachura — pa 1 (1+0), Kalužny, Kułakoŭ — po 1 (0+1).
Nastupnyja čatyry matčy «Dynama» praviadzie doma: 12 vieraśnia — z «Atłantam» (Myciščy), 14-ha — z CSKA (Maskva), 18-ha — z «Sievierstallu» (Čarapaviec), 20-ha — z «Tarpieda» (Nižni Noŭharad).