Viadomy ŭkrainski spartsmien-rufier Hryhoryj (Mustang Wanted) napisaŭ pryznańnie ŭ svaim Facebook
«Darahija suajčyńniki, pavažanyja rasijanie, a taksama doblesnyja achoŭniki pravaparadku horada Maskvy. Ja, Hryhoryj (jon ža Mustang Wanted), hramadzianin Ukrainy, vymušany nie dziela krasnaha słoŭca zrabić pryznańnie, nakiravanaje na vyzvaleńnie abvinavačanych u chulihanstvie nievinavatych rasijskich hramadzian, jakija majuć usie šancy stać achviarami šyroka viadomaha svajoj spraviadlivaściu rasijskaha pravasudździa.
Ja i jość toj samy čałaviek, jaki ŭ paryvie ščyrych patryjatyčnych pačućciaŭ zabraŭsia na dach vyšynnaha doma na Kacielnickaj nabiarežnaj, i pierafarbavaŭ zorku ŭ kolery našaha rodnaha ŭkrainskaha ściaha, a zatym tam ža padniaŭ ściah niezaležnaj Ukrainy, pra što ŭ mianie majucca fota i videadokazy.
Hety praces akazaŭsia davoli pracajomkim i zaniaŭ u mianie praktyčna ŭsiu noč, skončyŭ ja svaju pracu kala 6 ranicy i z radaściu adpraviŭsia spać.
Hramadzianie Rasii, suprać jakich ciapier raspačali kryminalnuju spravu i jakim śviecić 7 hadoŭ, mnoju nie byli zaŭvažanyja ŭ hety čas na dachu budynka, i varta adznačyć, što my ź imi navat nie znajomyja. Nu jak viadoma Rasijski sud - samy spraviadlivy sud u śviecie!
Pryznaju siabie vinavatym u «chulihanstvie» i hatovy paŭstać pierad hetym samym sudom u abmien na vyzvaleńnie vydatnaj śmiełaj ŭkrainskaj dziaŭčyny - Nadziei Saŭčanki.
Jana dakładna ni ŭ čym nie vinavataja, a ja — choć zorku pafarbavaŭ
Svoj učynak liču art-pierformansam i pryśviačaju jaho Dniu Niezaležnaści Ukrainy, a taksama ŭsim chłopcam, jakija abaraniajuć zaraz maju Radzimu!»
Słava Ukrajini! Z pavahaj, Hryša Mustang Wanted.
***
Nahadajem, što ranicaj u sieradu stała viadoma, što na Kacielnickaj nabiarežnaj u Maskvie, na adnym z samych vysokich damoŭ rasijskaj stalicy, uźniaty ŭkrainski ściah, a častka žoŭtaj zorki pafarbavana ŭ błakitny koler, takim čynam jana nabyła kolery ŭkrainskaha ściaha. Paźniej byli zatrymanyja dva chłopcy i dźvie dziaŭčyny, jakich padazrajuć u ździajśnieńni akcyi, im pahražaje da siami hadoŭ źniavoleńnia.
Alaksandr Pohrabaŭ, Hanna Lapioškina, Alaksiej Šyrokažuchaŭ i Jaŭhienija Karatkova admaŭlajuć svaju vinu i śćviardžajuć, što jany prosta chacieli ździejśnić skačok z parašutam.
Hryhoryj (Mustang Wanted) — viadomy rufier, čałaviek, jaki ŭzdymajecca na chmaračosy i zbudavańni. Jamu 27 hadoŭ. Jon załaziŭ na vysotki i masty nie tolki va Ukrainie, ale i ŭ jeŭrapiejskich krainach, u tym liku ŭ Vienie, Bracisłavie i Bierlinie.
