Abvieščanyja pieramožcy mižnarodnaha konkursu fotazdymkaŭ World Press Photo pa vynikach 2013 hoda. Lepšaj fatahrafijaj hoda pryznanaja praca amierykanskaha fatohrafa Džona Stenmiejiera «Sihnał», paviedamlajecca na sajcie ŭznaharody.
Na fota — afrykanskija ŭciekačy na plažy niedaloka ad Džybuci, jakija ŭzdymajuć svaje telefony, namahajučysia datelefanavacca da rodnych u Samali. Džybuci źjaŭlajecca pieravałačnym punktam dla mihrantaŭ z Samali, Efiopii i Erytrei, jakija sprabujuć dabracca da Jeŭropy i Blizkaha Ŭschodu.
World Press Photo — samy prestyžny mižnarodny konkurs, jaki pravodzicca siarod fotažurnalistaŭ śvietu z 1955 hoda. Štab-kvatera konkursu znachodzicca ŭ Amsterdamie (Niderłandy). Vystava pieramožcaŭ pakazvajecca ŭ mnohich krainach śvietu, u tym liku i ŭ Rasii. U hetym hodzie pakazy vystavy pačnucca 18 krasavika ŭ Amsterdamie.
