«Heta niapravilna, što adzin i toj ža televizar ź Jeŭropy u nas kaštuje daražej, čym u Maskvie (adtul jon pryvozicca), — cytuje słovy Prakapoviča BiełTA. — Dla hetaha niama nijakich padstavaŭ. Niama padstavaŭ dla taho, kab jechać za hetym televizaram u Maskvu, kali možna naŭprost vieźci jaho ź Jeŭropy».
Tamu pasiaredniki pavinny być vydalenyja, adznačyŭ vice-premjer.
Pavodle Piatra Prakapoviča, urad nie spadziajecca tolki na pryvatnikaŭ, što jany pačnuć naŭprost pracavać z vytvorcami, bo jany «niaredka pieraśledujuć svaje peŭnyja mety». Usim optavym arhanizacyjam, u jakich majecca dola dziaržavy, i jakija padnačalenyja Minhandlu, «dadzienaje daručeńnie nieadkładna ŭklučycca ŭ nabyćcio impartnych tavaraŭ naŭprost z vytvorcami pa samych nizkich koštach». Kab skłaści kankurencyju tym ža pryvatnikam i «źbić ceny na impartnyja tavary».
Piotr Prakapovič pierakanany, što «heta nie tolki źmienšyć košt tavaraŭ tut u nas, ale i stvoryć pieradumovy dla taho, kab našyja ludzi nie jechali lišni raz za hetym ža tavaram u Polšču, Litvu i h. d.».
I heta pryniasie dadatkovyja hrošy, u jakich maje takuju vostruju patrebu ekanomika našaj krainy.
