Sotni ludziej, sotni ściahoŭ na Dni Voli ŭ Minsku - anłajn, foty, videa 35

Fota Siarhieja Hudzilina.

Fota Siarhieja Hudzilina.

Fota Siarhieja Hudzilina.

Fota Aksany Rudovič.

Paśla akcyi pačalisia zatrymańni.

Skulptar Hienik Łojka (sprava) i biznesoviec, vieteran "Tałaki" Aleś Suša. Fota Aksany Rudovič.

Fota Aksany Rudovič.

Pierad pačatkam: kala kinateatra "Kastryčnik" byli ŭstalavanyja ramki-mietałašukalniki, dziažuryŭ śpiecnaz. Fota Siarhieja Hudzilina.

Fota Siarhieja Hudzilina.

Pobač źbiralisia ŭdzielniki Dnia Voli. Fota Siarhieja Hudzilina.

Uźniaŭsia pieršy ściah. Fota Siarhieja Hudzilina.

Ludziej i ściahoŭ boleje. Fota Siarhieja Hudzilina.

Za turnikiety pajšło ŭsiaho niekalki čałaviek. Fota Siarhieja Hudzilina.

Fota Siarhieja Hudzilina.

Fota Aksany Rudovič.

Fota Aksany Rudovič.

Źbirali podpisy za pomnik Kalinoŭskamu ŭ Minsku. Fota Aksany Rudovič.

Fota Aksany Rudovič.

Fota Aksany Rudovič.

Fota Siarhieja Hudzilina.

Fota Siarhieja Hudzilina.

Fota Siarhieja Hudzilina.

Fota Siarhieja Hudzilina.

Fota Aksany Rudovič.

U Parku družby narodaŭ niezadoŭha da prychodu šeścia. Fota Siarhieja Hudzilina.

Pierad pačatkam mitynhu. Fota Siarhieja Hudzilina.

Fota Aksana Rudovič.

Adznaka hetaha Dnia Voli -- masa kreatyŭnych płakataŭ. Fota Siarhieja Hudzilina.

Fota Aksany Rudovič.

Fota Siarhieja Hudzilina.

Fota Aksany Rudovič.

15.33

Pravaabaroncy-viasnoŭcy paviedamlajuć, što ŭ Saviecki RUUS Miensku dastaŭleny ŭžo 8 ŭdzielnikaŭ mitynhu. Praŭdapadobna, što siarod zatrymanych - Dźmitryj Kavałhin, aktyvisty "Jeŭrapiejskaj Biełarusi" Aleh Rahoŭski i Mikita Kavaloŭ.

15.02

Pa infarmacyi pravaabaroncaŭ-viasnoŭcaŭ, kala "Makdonaldsa" na vuł.Bahdanoviča byli zatrymanyja čatyry čałavieki.

14.40

Pačalisia zatrymańni, paviedamlaje radyjo "Svaboda". Niekalki milicyjantaŭ zaskočyli ŭ tralejbus №37.

Milicyjanty pa racyi atrymali zahad zatrymlivać ludziej ź simvolikaj, partretami palitviaźniaŭ, a taksama tych, chto ŭzryvaŭ pietardy.

14.37

Častka moładzi, jakaja brała ŭdzieł u mitynhu, idzie kałonaj pa vulicy Bahdanoviča, śpiavajučy pieśniu «Lapisaŭ» «Nie być skotam!» na słovy Kupały.

14.34

Śpiecnazaŭcy kažuć, što im pastaŭlenaja strohaja zadača, kab ludzi, što razychodziacca, chavali simvoliku. Maŭlaŭ, nie dapuskać raspaŭjudžvańnia idej.

14.20

Mitynh skončyŭsia. Ludzi razychodziacca.

14.17

Eks-kandydat u prezidenty Vital Rymašeŭski abviaściŭ, što ad milicyi pastupiła infarmacyja, nibyta paśla akcyi buduć zatrymlivać tych, chto budzie chadzić pa horadzie z płakatami. Jon paprasiŭ usich zdać płakaty arhkamitetu.

14.15

Staršynia AHP Anatol Labiedźka zaklikaŭ procistajać namienkłaturnaj pryvatyzacyi: «Inačaj u adzin cudoŭny dzień pračniomsia — a ŭsio vakoł naležyć kitajskim kamunistam i rasijskim aliharcham». Taksama jon pryhadaŭ, jak dva hady tamu na Dzień Voli «łaviŭ pramiani sonca» va ŭnutranym dvoryku turmy KDB. I zaklikaŭ nie zabyvacca pra palitviaźniaŭ.

14.08

Pieršym vystupiŭ lidar Partyi BNF Alaksiej Janukievič. Jon adznačyŭ, što tema baraćby za niezaležnaść, jak i 95 hadoŭ tamu, aktualnaja. Kazaŭ pra ŭzmacnieńnie rasijskaj ekspansii, stratu klučavych biełaruskich pradpryjemstvaŭ: «Ułada pradała Biełtranshaz, rychtujecca pradać Hrodna-Azot i MAZ».

Paśla pramaŭlaŭ Dzianis Sadoŭski z Chryścijanskaj demakratyi. Jon zavodzić prysutnych łozunhami «Sychodź!» i «Žyvie Biełaruś!» U natoŭpie siarod słuchačoŭ stajać lidar Ruchu za Svabodu Alaksandr Milinkievič i staršynia AHP Anatol Labiedźka.

14.02

U parku praź niekalki chvilin pačniecca mitynh. Pramaŭlać buduć u miehafon — inšaj hukaŭzmacnialnaj techniki niama. Jaje skanfiskoŭvali štohod, kali jaje pryvozili. Letaś skanfiskavanaja zastajecca ŭ milicyi — hetkaja «pravavaja dziaržava».

13.40

Šeście padychodzić da placoŭki ŭ Parku družby narodaŭ, dzie maje adbycca mitynh. Ludzi ściakajucca da placoŭki vuzkimi darožkami miž hurbami śniehu.

13.38

…A tym časam u Parku družby narodaŭ

13.32

Zatrymanaha pa darozie ŭ Minsk połackaha aktyvista arhkamiteta pa stvareńni partyi «Biełaruskaja chryścijanskaja demakratyja» (BCHD) niepaŭnaletniaha Uładzimira Kapielkina adpuścili.

Jak paviedamiła BiełaPAN kaardynatar arhkamiteta BCHD pa Viciebskaj vobłaści Taćciana Sieviaryniec, kala troch hadzin Kapielkina pratrymali ŭ Połackim RAUS, a zatym adpuścili, pryčym biez vykliku ŭ milicyju baćkoŭ.

Uładzimir Kapielkin, jakomu praz 10 dzion spoŭnicca 18 hadoŭ, ranicaj 24 sakavika jechaŭ z Połacka ŭ Minsk. Maršrutnaje taksi, u jakim jon znachodziŭsia, na vyjeździe z Połacka spynili. Zatrymańnie Kapielkina patłumačyli tym, što jon, budučy niepaŭnaletnim, sabraŭsia ŭ dalokuju pajezdku biez baćkoŭ.

13.18

Kala handlovaha centra «Jeŭropa» stali maładafrontaŭcy ź mietrovymi kalarovymi płakatami. Na ich — zdymki biełaruskich palitviaźniaŭ — Daškieviča, Sieviarynca, Łobava i inšych, a taksama łozunh «Nastupny Dzień Voli — na voli». siarod tych, chto trymaje płakaty, jość Nasta Pałažanka, žonka palitviaźnia Źmitra Daškieviča.

13.15

Nad kałonaj uspychnuli fiejervierki. Ludzi kryčać «Ura!» Hałava kałony minuła skryžavańnie z vuł. Kujbyšava, chvost tolki adychodzić ad skryžavańnia z vuł. Jakuba Kołasa. Ludzi masava śpiavajuć pieśni: «Hraj», «Nie być skotam», «My vyjdziem ščylnymi radami».

13.05

Zatrymanuju kala hadziny tamu videaapieratarku NN Taćcianu Haŭrylčyk vypuścili ź milicejskaha apornaha punkta. Jak paviedamiła žurnalistka, pryčynaj zatrymańnia było toje, što jana zdymała na videa milicyjantaŭ u padziemnym pierachodzie. Razabraŭšysia, jaje adpuścili.

12.59

Hałava kałony nabližajecca da skryžavańnia z vulicaj Kujbyšava. Chodnik vuzki, ludzi iduć pa rasčyščanaj darožcy miž śniežnymi hurbami, tamu kałona mocna raściahnutaja. Pavodle acenak udzielnikaŭ, ludziej sioleta, niahlediačy na maroz, nie mieniej, čym było letaś.

12.38

Šeście skiravali pa levym baku vulicy Surhanava, a nie pa pravym, jak było ŭsie minułyja hady. Tut zaŭvažna vuziejšy tratuar. Ludzi skandujuć «Žyvie Biełaruś!» i «Svabodu palitviaźniam!»

12.35

Šeście, u jakim biaruć udzieł niekalki tysiač čałaviek, padyšło da skryžavańnia praśpiekta Niezaležnaści i vuł. Surhanava. U hałavie šeścia idzie były palitviazień Vasil Parfiankoŭ. Ludzi ŭ pieršym šerahu trymajuć partrety palitviaźniaŭ i źnikłych palitykaŭ. Arhanizatary sioleta vyrabili i razdali šmat postaraŭ z partretami palitviaźniaŭ.

12.28

Šeście rušyła ŭ bok vulicy Surhanava. Napieradzie niasuć dva vialikija ściahi — bieł-čyrvona-bieły i BCHD.

12.16

Na placoŭcy pierad «Kastryčnikam» pačali skandavać «Žyvie Biełaruś!»

12.10

U pierachodzie la Akademii Navuk zatrymanaja videaapieratarka NN Taćciana Haŭrylčyk, jana znachodzicca ŭ apornym punkcie na stancyi mietro.

12.08

Uźniatyja ŭžo dziasiatki ściahoŭ. Siarod udzielnikaŭ mnoha moładzi. Ludzi dobra padrychtavalisia da maroznaha nadvorja, jany ciopła apranutyja. Moładź pryniesła z saboj tamtamy, inšyja muzyčnyja instrumienty. Bahata ludziej pryjšło ŭ bieł-čyrvona-biełych šalikach.

Zaŭvažanyja miž prysutnymi piśmieńnik Pavał Kaściukievič, movaznaviec Źmicier Saŭka, skulptar Hienik Łojka, palityki Andrej Dźmitryjeŭ, hienierał Valeryj Frałoŭ.

12.07

Na placy źjavilisia staršynia Tavarystva biełaruskaj movy Aleh Trusaŭ, eks-kandydat u prezidenty Ryhor Kastusioŭ, žurnalist Uładzimir Chalip, baćka Iryny Chalip.

12.06

Amal nichto z udzielnikaŭ akcyi nie pajšoŭ u zaharadku z turnikietaŭ, paviedamlaje karespandent «Našaj Nivy». Bolšaść hurtujecca na tratuary miž turnikietami i prajeznaj častkaj praśpiekta.

12.04

siarod prysutnych źbirajuć podpisy za pomnik Kalinoŭskamu ŭ Minsku. Inicyjatary zboru na čale z aktyvistam Aleham Korbanam trymajuć płakaty Minsku — pomnik Kalinoŭskamu», «Šanujcie pamiać prodkaŭ».

11.59

Rušyć u Park družby narodaŭ šeście maje kala 12.30.

11.49

Ściahi ŭzdymajucca — bieł-čyrvona-biełyja, BCHD, «Jeŭrapiejskaj Biełarusi».

Na miescy zboru ŭžo jość kiraŭnik Partyi BNF Alaksiej Janukievič, sustaršynia BCHD i eks-kandydat u prezidenty Vital Rymašeŭski, vieteran-frontaviec Lavon Barščeŭski, były aficer-padvodnik Valeryj Ščukin.

Bahata «asobaŭ u cyvilnym» i videaapierataraŭ śpiecsłužbaŭ.

11.43

Na placoŭcy kala «Kastryčnika» ŭžo kala 300 čałaviek. Uźniaŭsia pieršy ściah. Ludzi praciahvajuć dałučacca.

11.35

Pobač z «Kastryčnikam» źjavilisia pieršyja ŭdzielniki Dnia Voli.

11.22

Udzielnikaŭ śviatkavańnia ŭsiaredzinie «pierymietra» pakul niama.

11.15

Placoŭka kala kinateatra «Kastryčnik» małaja, pałova jaje zaharodžanaja budaŭničym płotam. Na miescy zboru ŭdzielnikaŭ užo ŭstalavanyja turnikiety i try ramki-mietałašukalniki. Kala ich dziažurać śpiecnazaŭcy — usiaho čałaviek dziesiać. U padziemnych pierachodach na podstupach da placoŭki — milicyja ź miehafonami.

11.04

Biełaruskija emihranty adznačajuć Dzień Voli ŭ roznych krainach, pryčym źbirajucca ludzi roznych palityčnych pohladaŭ. Na fota: u Varšavie na šeści na Dzień Voli 23 sakavika sustrelisia Zianon Paźniak i Natalla Radzina.

10.52

U mietro dziažurać dadatkovyja patruli milicyi, paviedamlajuć NN čytačy. Jany byli zaŭvažanyja na stancyjach «Park Čeluskincaŭ», «Akademija Navuk» i «Płošča Jakuba Kołasa».

* * *

Zbor udzielnikaŭ śviatkavańnia 95-hodździa abviaščeńnia niezaležnaści Biełaruskaj Narodnaj Respubliki pačniecca, a 12.00 na placoŭcy pierad kinateatram «Kastryčnik» (st.m. Akademija Navuk).

Paśla adbudziecca šeście ŭ Park družby narodaŭ i śviatočny mitynh. Napiaredadni arhanizatary zaklikali ŭdzielnikaŭ prynosić z saboj nacyjanalnyja ściahi. Mierapryjemstva dazvolenaje Minharvykankamam.

Achvotnym pryniać udzieł u šeści varta ciopła apranucca: siońnia ŭ Minsku čakajecca minus 5 hradusaŭ z paŭnočnym vietram 10 m/c.

10.45

A ŭ katalikoŭ siońnia — Vierbnaja niadziela.

U hety dzień na ŭspamin uvachodu Chrysta ŭ Ijerusalim aśviačajucca halinki palmaŭ, aliŭkavych drevaŭ abo, jak zdaŭna pryniata ŭ nas, viarby.

Hetaja tradycyja hruntujecca na jevanhielskim apisańni miesijanskaha ŭvachodu Chrysta: «U toj čas mnostva ludziej, jakija pryjšli na śviata, kali pačuli, što Isus idzie ŭ Ijerusalim, uziali palmovaja halinki i vyjšli Jamu nasustrač, usklikajučy: Hasanna! Błahasłaŭlony toj, chto prychodzić u imia Pana, Vaładar Izraila!» (par. Jan 12, 12–13). Palmovaja niadziela pryśviečana asablivamu razvažańniu pra muku Pana i niepasredna rychtuje da pieražyvańnia jaje ŭ liturhičnych abradach Vialikaha tydnia. Jevanhielskaje apisańnie muki Isusa Chrysta i Jaho śmierci na kryžy čytajecca ŭ hety dzień na kožnaj śviatoj Imšy, paviedamlaje Satholic.by.

10.40

»Para dumak pra toje, ci varta iści na taki Dzień Voli»

— aŭtar piša, što jamu śmiešna čytać Šaramieta i pra ahientaŭ u atačeńni Paźniaka.

10.30

«Heta niešta suprać Łukašenki?» — minčuki pra BNR.

Videaapytanka «Našaj Nivy». 25 sakavika spoŭnicca 95 hod z dnia abviaščeńnia Biełaruskaj Narodnaj Respubliki, pieršaha dziaržaŭnaha ŭtvareńnia biełarusaŭ. Ci viedajuć siońnia minaki na vulicach, što takoje BNR?

10.17

Adrasy BNR: videaekskursija pa Minsku.

Bolšaść budynkaŭ, źviazanych z historyjaj Biełaruskaj Narodnaj Respubliki, stajać dahetul. «Naša Niva» zaprašaje na ekskursiju pa Minsku časoŭ BNR. Viadzie ekskursiju historyk mastactva Siarhiej Chareŭski.

10.10

BNR: tre' było mienš svarycca. Hutarka z historykam Darotaj Michaluk, aŭtarkaj knihi «Biełaruskaja Narodnaja Respublika 1918–1920. La vytokaŭ biełaruskaj dziaržaŭnaści».

Na dumku historyka, mienavita ŭnutranyja kanflikty miž roznymi siłami, abjektyŭna zacikaŭlenymi ŭ paŭstańni BNR, źniščyli šancy toj dziaržavy.

10.00

Pa darozie z Połacku zatrymany prychilnik Biełaruskaj Chryścijanskaj Demakratyi Uładzimir Kapielkin, jakomu na dniach spoŭnicca 18 hadoŭ.

Maršrutku, u jakoj Kapielkin nakiroŭvaŭsia ŭ Minsk, spyniła DAI na vyjeździe z Połacka. U jaje ŭvajšoŭ čałaviek u cyvilnym. Miž tym inšy aktyvist BCHD, jaki taksama nakiroŭvaŭsia na Minsk, pajechaŭ dalej.

Zaraz Uładzimir Kapielkin znachodzicca ŭ milicejskim pastarunku. Aficyjna pryčyna jaho zatrymańnia ŭ tym, što jon niepaŭnahadovy adzin biez baćkoŭ vypraviŭsia ŭ doŭhuju darohu.

* * *

Napiaredadni Dzień Voli adznačyli biełarusy zamiežža.

U Prazie jany sabralisia 23 sakavika na Alšanskich mohiłkach, dzie pachavanyja prezidenty BNR Krečeŭski i Zacharka.

U Saŭt-Ryviery ŭračysta ŭźniali nacyjanalnyja ściahi Biełarusi i ZŠA.

U Varšavie ŭračystaje šeście sabrała bolš za sotniu ludziej.

U padrychtoŭcy anłajnu brali ŭdzieł Siarhiej Hudzilin, Źmicier Pankaviec, Mikoła Buhaj, Aksana Rudovič, Taćciana Haŭrylčyk, Hanna Badziaka, Iryna Arachoŭskaja, Siarhiej Mikulevič

NN.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH