Дональд Трамп. Фота: AP Photo/Rebecca Blackwell
Калі Трамп выйграе выбары, то вялікія шанцы стаць віцэ-прэзідэнтам мае губернатар Паўночнай Дакоты Даг Бергам, піша Axios са спасылкай на некалькіх абазнаных.
Са слоў крыніц, у апошнія тыдні Трамп часта згадваў імя Бергама ў гутарках з хаўруснікамі.
Дзве крыніцы, знаёмыя з меркаваннем Трампа, сказалі, што яму падабаюцца стрыманыя паводзіны Бергама і яго губернатарскі досвед, і ён лічыць Бергама надзейным і не драматычным чалавекам.
Гэта падобна на тыя рысы, пра якія Трамп згадваў у 2016 годзе, калі ён прапанаваў Майку Пенсу стаць яго напарнікам на выбарах. У той час Пенс быў губернатарам Індыяны.
Асцярожныя манеры Пенса часта рэзка кантраставалі са стылем Трампа.
67-гадовы Бергам, які балатуецца на другі тэрмін у «чырвонай» Паўночнай Дакоце, з'яўляецца перакананым бізнэсменам-кансерватарам, і многія лічаць яго прымальным для рэспубліканцаў з істэблішменту.
Бергам падтрымлівае Трампа па многіх пытаннях, уключаючы аборты.
У іх ёсць адзін агульны асабісты момант, які, па словах крыніц, часам ўсплывае ў размове паміж Трампам і Бергамам: Кэтрын Бергам паспяхова лечыцца ад алкагалізму, залежнасці, з якой таксама змагаўся памерлы брат Трампа Фрэд Трамп-малодшы.
Бергам непрыкметна праводзіць кампанію ў падтрымку Трампа і выступае на кансерватыўных і мэйнстрымных тэлеканалах.
Прадстаўнікі Трампа і Бергама адмовіліся ад каментароў.
