Да блакавання расійскай плацежнай сістэмы «Мир» далучыцца Арменія 3
Карты расійскай плацежнай сістэмы «Мир» перастануць працаваць у банкаматах і POS-тэрміналах большасці банкаў Арменіі. Адбудзецца гэта з 30 сакавіка 2024 года. Выключэнне складзе інфраструктура банка «ВТБ Арменія», «дачка» расейскага ВТБ, піша РБК.
У лютым 2024 года ЗША ўвялі блакавальныя санкцыі супраць аператара «Мир». Гаворка ідзе пра расійскую кампанію «Нацыянальная сістэма плацежных картаў».
Карты «Мир» працуюць і ў Беларусі. У жніўні мінулага года, напрыклад, пачаў функцыянаваць сэрвіс бескантактнай аплаты MirPay.
