Rasijski bok praktyčna całkam prafinansuje pracy pa adnaŭleńni siadziby rodu Dastajeŭskich ŭ Janaŭskim rajonie Bresckaj vobłaści. Ab hetym siońnia žurnalistam pa vynikach sustrečy sa staršynioj Bresckaha abłvykankama Kanstancinam Sumaram zajaviŭ Pasoł Rasii ŭ Biełarusi Alaksandr Surykaŭ.

Ź imiem rodu Dastajeŭskich ŭ Janaŭskim rajonie Bresckaj vobłaści źviazana mnohaje. Jość vioska Dastojeva, dziejničaje Dastajeŭski sielski saviet. U rajonie pravodzicca vialikaja praca pa zachavańni historyka-kulturnaj spadčyny samaha znakamitaha pradstaŭnika rodu — Fiodara Dastajeŭskaha, čyje prodki źjavilisia na paleskaj ziamli jašče ŭ XVI stahodździ.

Z 1982 hoda ŭ Dastajeŭskaj siaredniaj škole stvorany litaraturna-krajaznaŭčy muziej Fiodara Dastajeŭskaha, jaki staŭ centram papularyzacyi litaraturnaj spadčyny vialikaha rasijskaha piśmieńnika, dzie sabrana bolš za 3000 ekspanataŭ. Siarod ich — unikalnyja archiŭnyja materyjały ab pradstaŭnikach rodu Dastajeŭskich, kartahrafičnyja materyjały, drukavanyja vydańni. U ekspazicyi muzieja adnoŭlena dyjarama majontka Dastajeŭskich.

Radavy majontak Dastajeŭskich da našych dzion nie zachavaŭsia. Siadziba była častkova razburanaja ŭ 1943 hodzie, a ŭ 1960-ja całkam źniščanaja, paviedamlaje BiełTA.

Pieršym vodhukam na paviedamleńnie byŭ nastupny kamientar:

«Kab tolki skazali, mienavita jakuju «siadzibu Dastajeŭskich» źbirajucca adnaŭlać.
Niama navat jakich-niebudź śladoŭ toj byłoj siadziby, što da siaredziny XVII stahodździa mieła dačynieńnie da Dastajeŭskich
(darečy, baćka rasiejskaha piśmieńnika-šavinista Fiodara Dastajeŭskaha pachodziŭ nie z paleskaha Dastojeva — heta inšaja, vałynskaja halina rodu).
Tamu «u aharodzie buzina, a ŭ Kijevie dziadźka».
Adnaŭlajcie niemaviedama što nieviedama dzie, pasoł Surykaŭ!
Vam patrebna dakazać, što vy, rasiejcy, byli tut ažno ŭ XVI–XVII stahodździach? Dyk heta taksama pamyłka, bo tyja Irciščy-Dastajeŭskija, što tut byli, nie byli vy, rasiejcy», — piša čytač, jakischavaŭsia pad nikam «Akakij Akakijevič».
Клас
Панылы сорам
Ха-ха
Ого
Сумна
Абуральна