U Paryžy prezientujuć knihu palityčnaha ahladalnika Radyjo Svaboda Valera Karbaleviča na francuzskaj movie «Alaksandr Łukašenka — apošni dyktatar Jeŭropy».
Kniha vyjšła ŭ vydaviectvie Francois Bourin Editeur. Nakład — 5 tysiačaŭ, cana -- 22 jeŭra.

U knizie aŭtar sprabuje daśledavać fienomen Łukašenki, jak hetamu čałavieku na praciahu takoha vialikaha času ŭdajecca zastavacca va ŭładzie, jak adbyvałasia farmavańnie hetaj sistemy.

U aficyjnym apisańni knihi na sajcie vydaviectva skazana:

«Žorstkaść, cynizm, miehałamanija, chłuśnia, biezzakońnie, pošłaść, papulizm… heta inhredyjenty dyktatury Alaksandra Łukašenki, apošniaha tyrana Jeŭropy.
Jak mirnaja Biełaruś mahła skacicca ŭ dyktaturu praz try hady paśla padzieńnia kamunizmu? Jak kiraŭnik kałhasa biez padtrymki partyi ci luboj hramadskaj struktury moh prasunucca da viaršyni dziaržavy? Hetaja kniha — adzinaja bijahrafija na francuzskaj movie pra tyrana ź Biełarusi — ujaŭlaje saboj padarožža ŭ absurd…»
Ustup da knihi napisaŭ Stefan Šmialeŭski -- były pasoł Francyi ŭ Biełarusi.

Prezientacyja

Sierada 28 listapada 18:30 (pa francuzskim časie) u Editeurs réunis 35, rue de la Montagne Sainte-Geneviève - 75005 Paris

Čaćvier 29 listapada z 12 da 13:30 (pa francuzskim časie) u CERI (z udziełam Štefana Šmialeŭskaha) - 56, rue Jacob - 75006 Paris

Čaćvier 29 listapada a 18:30 (pa francuzskim časie), Librairie du Globe - 67 boulevard Beaumarchais - 75003 Paris, pakaz filmu «Zvyčajny prezident» i dyskusija z udziełam Valeryja Karbaleviča.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?