Za «kryšavańnie» kryminalnaha biznesu aryštavany padpałkoŭnik Departamienta finansavych rasśledavańniaŭ Kamiteta dziaržkantrolu Biełarusi. Heta ŭžo treci padpałkoŭnik finansavaj milicyi, jaki moža być pryciahnuty da adkaznaści ŭ 2012 h.

Padpałkoŭnik finansavaj milicyi A. byŭ zatrymany ŭ ramkach apieratyŭnaj raspracoŭki šerahu kamiercyjnych struktur Minska, jakija zajmalisia niezakonnymi finansavymi apieracyjami.

U chodzie prapracoŭki suviaziaŭ finkampanij apieratyŭniki Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj (HUBAZiK) MUS vyśvietlili, što ź imi vielmi ciesna supracoŭničaŭ načalnik adnaho z adździełaŭ Upraŭleńnia DFR KDK pa Minskaj vobłaści i h. Minsku padpałkoŭnik A.

Havorka idzie nie prosta pra siabroŭstva kryminalnaha biznesu z tym, chto pa svaich słužbovych abaviazkaŭ pavinien byŭ vieści nieprymirymuju baraćbu ź imi, a mienavita pra supracoŭnictva.

Praściej kažučy, padpałkoŭnik ciaham dvuch hadoŭ «trymaŭ dach» finkampanij, zabiaśpiečvajučy im nadziejnyja tyły dla pracy. Źviestak pra toje, jakuju jon za heta atrymlivaŭ uznaharodu, pakul nie atrymana. Ale naŭrad ci ŭ hetaj situacyi možna vieści havorku pra bieskaryślivaje zastupnictva.

Pakul ža ŭ dačynieńni da padpałkoŭnika Śledčym kamitetam zaviedziena dźvie kryminalnyja spravy:
pa č. 2 art.424 (złoŭžyvańnie ŭładaj abo słužbovymi paŭnamoctvami, ździejśnienaje z karyślivaj i inšaj asabistaj zacikaŭlenaści) i č. 2 art. 425 (biaździejnaść słužbovaj asoby, ździejśnienaja słužbovaj asobaj, jakaja zajmaje adkaznaje stanovišča, što paciahnuła ciažkija nastupstvy).

Jak adznačajuć u HUBAZiK MUS, padpałkoŭnik padazrajecca ŭ tym, što z 2010-ha pa 2012 hod, viedajučy pra ažyćciaŭleńnie asobami, ź jakimi jon padtrymlivaŭ praciahłyja siabroŭskija stasunki, niezakonnaj pradprymalnickaj dziejnaści pa praviadzieńni niezakonnych finansavych apieracyj, z pryčyny biaździejnaści i złoŭžyvańnia svajoj uładaj i słužbovymi paŭnamoctvami pryčyniŭ dziaržaŭnym intaresam istotnuju škodu, jakaja vyjaviłasia ŭ niesvoječasovym spynieńni złačynnaj dziejnaści i ŭ padryvie aŭtarytetu hetaha pravaachoŭnaha orhana.

Heta ŭžo treci padpałkoŭnik DFR KDK, jakoha pryciahvać da adkaznaści za karupcyju ŭ 2012 h.
Takoj masavaj pasadki kiraŭnikoŭ Departamienta finansavych rasśledavańniaŭ KDK Biełaruś jašče nie viedała. Tak, sadžali načalnikaŭ śledčaha ŭpraŭleńnia: spačatku adnaho, a praź niekalki hadoŭ druhoha — jaho pierajemnika. Byvała, i adrazu dvuch čynoŭ ź vialikimi zorkami na pahonach, adpraŭlali za kraty,
ale kab troch za hod — heta ŭžo rekord dla DFR KDK.

Tak, u sakaviku supracoŭnikami KDB byŭ zatrymany staršy inśpiektar pa asabliva važnych spravach upraŭleńnia ŭłasnaj biaśpieki DFR KDK padpałkoŭnik finansavaj milicyi D. Pavodle źviestak KDB, jon na praciahu niekalkich hadoŭ atrymlivaŭ ad zasnavalnikaŭ i słužbovych asob kamiercyjnych struktur Minska hrašovyja ŭznaharody za akazańnie sadziejničańnia za rašeńnie roznych prablem, źviazanych z pravierkami kantralujučych orhanaŭ.

Pry hetym čałaviek, jaki pavinien byŭ sam zmahacca z karupcyjaj u orhanach finansavych rasśledavańniaŭ, rabiŭ biesprecedentnyja miery kanśpiracyi, atrymlivajučy ad biznesmenaŭ bujnyja sumy hrošaj, bo vydatna viedaŭ mietady raboty Słužby ŭłasnaj biaśpieki.
Ale ŭsio ž padpałkoŭnik byŭ zatrymany pry atrymańni 2500 dalaraŭ — pieršaj častcy abumoŭlenaj im chabaru ŭ pamiery 5 tysiač dalaraŭ.

Praz paru miesiacaŭ u vyniku praviadzieńnia apieratyŭna-vyšukovych mierapryjemstvaŭ supracoŭniki Hrodzienskaha abłasnoha ŭpraŭleńnia KDB zatrymali pry atrymańni chabaru ŭ pamiery 570 dalaraŭ padpałkoŭnika Upraŭleńnia DFR KDK pa Hrodzienskaj vobłaści. Pa dadzienych čekistaŭ, supracoŭnik finansavaj milicyi padazravaŭsia ŭ tym, što na praciahu 2011–2012 hadoŭ nieadnarazova atrymlivaŭ u jakaści chabaru ad adnaho z žycharoŭ Hrodna roznyja tavarna-materyjalnyja kaštoŭnaści i hrašovyja srodki za vyrašeńnie pytańnia ab zaciahvańni śledstva i spynieńnie rasśledavańnia raspačataj u dačynieńni da jaho kryminalnaj spravy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?