Ciopłaje nadvorje, jak i ŭsio dobraje, maje adnu viadomuju i brydkuju jakaść — rana ci pozna zakančvacca. U pieršyja maroznyja dni asabliva vostra staić pytańnie, što rabić u volny čas. Kali vy ŭžo stamilisia rabić zdymki pieršaha śniehu i ledziašoŭ dla Instagram, a špacyravać pa horadzie ŭžo chaładnavata, prapanujem naviedać jakuju-niebudź kaviarniu. «Naša Niva» vam u dapamohu!

Što?

Siońnia havorka pojdzie pra «GURU Coffee Club», što ŭ Michajłaŭskim zavułku. Miesca dla kaviarni vielmi ŭdałaje: pobač šmat univiersitetaŭ, hałoŭny stadyjon krainy i, kaniečnie, vakzał. Adnym słovam, haściej u hetaj kaviarni zaŭždy šmat. Voś i ja vyrašyŭ zajści, pahladzieć, pasmakavać kavy i pačastavacca biaspłatnym Wi-Fi.

Pieršaje, što kidajecca ŭ vočy, kali padychodziš da «GURU Coffee Club», — doška, na jakoj pieraličanyja ŭsie cikavaści: kavavyja kaktejli, čajnyja cyrymonii, kinaspatkańni ŭ niadzieli, vystava hrafičnych rabot, take-away i vyšejzhadany free Wi-Fi. Čamu b nie zajści?

Što ŭnutry?

Prynamsi ja čakaŭ čahości bolš niezvyčajnaha. Niahledziačy na toje, što mastackaja ideja ŭ dekory prysutničaje, interjer davoli typovy dla ŭstanovaŭ takoha kštałtu: doški z nadpisami, palicy z knihami, śvietłyja ścieny.

Prasiaknucca atmaśfieraj hetaha varyjanta kava-šopu možna ŭ asobnaj zale na 6 asob albo ŭ hałoŭnaj zale, dzie cicha suisnujuć astatnija stoliki i nievialičkaja stojka. Miesca davoli mała, asabliva kali sieści za stolik na dvaich: nieŭzabavie ŭžo zdavałasia, što ja paradniŭsia z paračkaj, jakaja siadzieła za stolikam levaruč. Tamu maleńkaja parada: lepš raźmiaščajciesia na bary abo za stolikam na čaćviarych.

Kava? Ceny?

«GURU Coffee Club» — nie toje miesca, kudy treba prychodzić pajeści: ź ježy tut tolki desierty, jakija ŭ siarednim kaštujuć pa 25 tys. za kavałačak. GURU nie maje ŭłasnaj kuchni, ale «Šakaładny tort» i «Višniovy Zachier», što ja zamoviŭ, byli śviežyja i davoli smačnyja. Što da kavy, jakaja maje vielmi jaskravy vodar i smak, to heta, biezumoŭna, mocny bok kaviarni. Siaredniaja cana kavy — 30–40 tys. Nie skažu, što tanna, ale dastupna.

Navošta iści?

Pa-pieršaje, kab pasprabavać smačnaj kavy. Pa-druhoje, kab prabavić čas u davoli pryjemnaj abstanoŭcy: pahladzieć kino, pahartać cikavyja numary časopisa Arche, što lažyć na palicach, paŭdzielničać u čajnaj cyrymonii abo pahladzieć vystavu.

Čamu nie?

Nie iści, kali čakajecie čahości vytančanaha i niezvyčajnaha.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?