U zahadkavych zabojstvach chatnich žyvioł u Starobinie padazrajuć badziažnych sabak i drapiežnych žyvioł. Ab hetym karespandentu BiełTA paviedamiŭ namieśnik načalnika RAUS Salihorskaha rajona Vital Sirotka.

Pavodle jaho słoŭ, miascovy žychar bačyŭ, jak biazdomny sabaka vybiahaŭ z adnaho z dvaroŭ pasiołka, paśla čaho tam byli znojdzienyja tušy zabitych ptušak. Dla vyklučeńnia hetaj viersii ŭ nasielenym punkcie pačali adłoŭlivać biazdomnych sabak.

Taksama razhladajecca i inšaja pryčyna hibieli chatnich žyvioł, jakija mohuć być lohkaj zdabyčaj dla drapiežnych źviaroŭ. Pa-raniejšamu zastajecca zahadkaj sposab raspravy z žyŭnaściu: tušy sa śladami ukusaŭ zastajucca niekranutymi. Achviarami nieviadomaha źviera stanoviacca kury, husi, kački, trusy.

«Dla analizu akaličnaściaŭ pryciahnuty pryrodaachoŭnyja viedamstvy, vyvučajucca śledavyja karciny. Štodnia ŭčastkovyja milicyjanty abychodziać dvary. Dapamahajuć taksama palaŭničyja i laśničyja», — skazaŭ surazmoŭca.

Namieśnik načalnika RAUS miarkuje, što načnoje dziažurstva nie pryniasie nijakich vynikaŭ.

«Istota, zabivaje chatnich ptušak, pavodzić siabie vielmi aściarožna i adčuvaje nabližeńnie ludziej, a śviatło lichtaroŭ jaho pałochaje», — adznačyŭ jon.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?