Padazravanamu ŭ razbojnym napadzie 10 kastryčnika na adździaleńnie AAT «AAB «Biełarusbank» na vulicy Špalernaj u Minsku Centralnym rajonnym adździełam Śledčaha kamiteta pradjaŭlena abvinavačańnie pavodle častki 2 artykuła 207 Kryminalnaha kodeksa (razboj, učynieny z metaj zavałodańnia majomaściu ŭ bujnym pamiery).
Pra heta paviedamili ŭ adździele infarmacyi i suviazi z hramadskaściu SK.

Padčas papiaredniaha śledstva dapytany śviedki, pryznačany kompleks ekśpiertnych daśledavańniaŭ, praviedzieny vobysk pa miescy žycharstva abvinavačvanaha, nakładzieny aryšt na jaho majomaść. Častka skradzienaha kanfiskavana. Pry praviadzieńni pracedury apaznańnia šerah śviedak i paciarpiełaja z upeŭnienaściu ŭkazali na zatrymanaha. Ciapier jon znachodzicca pad vartaj.

Nahadajem, 10 kastryčnika ŭ 14.08 na pult centralizavanaha nazirańnia centralnaha adździeła departamienta achovy MUS z adździaleńnia № 510/12 AAB «Biełarusbank» pastupiŭ sihnał «Tryvoha».
Supracoŭnikami milicyi, jakija prybyli na miesca zdareńnia, było ŭstanoŭlena, što prykładna ŭ 14.00 nieviadomy złačynca, pahražajučy nažom, učyniŭ razbojny napad na rabotnikaŭ banka i, zavałodaŭšy 8,5 młn. biełaruskich rubloŭ, 12 tys. rasijskich rubloŭ, 2.060 dołarami ZŠA i 475 jeŭra, uciok.

Pa padazreńni va ŭčynieńni złačynstva byŭ zatrymany hramadzianin Hruzii 1973 hoda naradžeńnia, jaki maje časovuju rehistracyju ŭ Minsku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?