Pra heta paviedamiŭ žurnalistam kiraŭnik MZS Šviecyi Karł Bilt 15 kastryčnika ŭ Luksiemburhu pierad pačatkam pasiadžeńnia Rady ministraŭ zamiežnych spraŭ krain ES.

«Ja nie viedaju, nie mahu nazvać kankretnaj daty, ale my hatovyja i ciapier. Adnak ciapier idzie praces pieramovaŭ.
Siońnia my źbirajemsia pryniać abmiežavalnyja i inšyja miery ŭ dačynieńni da Biełarusi, bo ŭ hetaj krainie da hetaha času jość palitviaźni. Tamu termin dziejańnia zachadaŭ budzie praciahnuty. My spadziajemsia, što Biełaruś budzie pavažać pryncypy dypłamatyčnaha supracoŭnictva i kantaktaŭ, jakija isnujuć pamiž usimi krainami «, — skazaŭ Bilt.

Jak raniej paviedamlałasia, Rada ES płanuje pracianuć dziejańnie abmiežavalnych mier u dačynieńni da Biełarusi da 31 kastryčnika 2013 hoda.

Pasolstva Šviecyi ŭ Minsku całkam spyniła pracu 30 žniŭnia. Šviedskija dypłamaty pakinuli Biełaruś, jak taho patrabavali biełaruskija ŭłady.
Anałahičnyja dziejańni byli zrobleny i biełaruskim bokam.

Biełaruska-šviedski kanflikt razhareŭsia paśla taho, jak 1 žniŭnia ŭłady Biełarusi apaviaścili Šviecyju ab niepraciahnieńni akredytacyi ambasadaru Stefanu Eryksanu. Dypłamata abvinavacili ŭ destruktyŭnaj dziejnaści.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?