Jak paviedamiŭ adzin z čytačoŭ «NN», u minskich škołach siarod nastaŭnikaŭ raspaŭsiudžvajucca kvitki na matč Biełaruś — Hruzija, jaki adbudziecca 16 kastryčnika.

Nibyta, na škołu dasyłajecca zadańnie nabyć čatyry kvitki za 320 tysiač rubloŭ. Nastaŭniki musiać vykupić kvitki ŭ składčynu.

Nahadajem, što padobnaja infarmacyja źjaŭlałasia pierad hulnioj Biełaruś — Ispanija. Hazieta «Presboł» pryvodziła słovy vykładčyka adnoj sa staličnych škoł, jaki pryznaŭsia, što na schodzie nastaŭnikaŭ abaviazali vykupić niekalki kvitkoŭ na matč kvalifikacyi ČS-2014 Biełaruś — Ispanija.

Padobnaja infarmacyja prychodziła z samych roznych biudžetnych arhanizacyj, ad miedustanovaŭ, da vajskovych čaściej.

Karespandent «NN» byŭ śviedkam razmovy pradavački adnaho sa staličnych handlovych centraŭ z kiraŭnictvam. Jana, u pryvatnaści, pytała, kolki kvitkoŭ vykupać na jaje adździeł.

Varta adznačyć, što kvitki na hulniu ź Ispanijaj rezka patańnieli pierad samaj sustrečaj. Mahčyma, dziakujučy hetamu trybuny «Dynama» byli zapoŭnienyja amal całkam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?