U SAAT «Kamunarka» i SP AAT «Spartak» źmianiłasia kiraŭnictva.

Nahadajem, što Alaksandr Łukašenka na naradzie pa pytańni raźvićcia kandytarskaj haliny 12 kastryčnika zapatrabavaŭ źmianić kiraŭnikoŭ hetych dvuch kandytarskich pradpryjemstvaŭ.

Jak paviedamili ŭ «Biełdziaržcharčpramie», na pasadu hienieralnaha dyrektara «Kamunarki» pryznačany były staršynia kancerna Ivan Dančanka.
Abaviazki staršyni «Biełdziaržcharčprama» zaraz vykonvaje pieršy namieśnik staršyni kancerna Hienrych Čarniak.
SP AAT «Spartak» uznačaliŭ Aleh Žydkoŭ, jaki raniej zajmaŭ pasadu kiraŭnika spravami Homielskaha harvykankama.

Nahadajem, 12 kastryčnika na naradzie Alaksandr Łukašenka raskrytykavaŭ situacyju ŭ kandytarskaj halinie, zahadaŭ likvidavać naziralnyja rady na SP AAT «Spartak» i ŭ SAAT «Kamunarka» i viarnuć pradpryjemstvy dziaržavie.

«Na praciahu kastryčnika zakryć prablemu pa ŭsim pradpryjemstvam, jakija kaliści byli pryvatyzavanyja, razdadzienyja i inšaje. Usie jany pavinny być dziaržaŭnymi pradpryjemstvami!» — zajaviŭ Łukašenka.

Jon rasparadziŭsia zvolnić staršyniaŭ «Biełdziaržcharčprama» i dyrektaraŭ «Spartaka» i «Kamunarki». Apošnich Łukašenka zapatrabavaŭ nakiravać na inšyja pradpryjemstvy haliny.

«Dajcie im pracu na praciahu hetaha miesiaca — i mnie na kantrol. Jak jany pracujuć na inšym pradpryjemstvie — dakładvać kožny miesiac. Dobra spracujuć — nie pakryŭdzim, buduć pracavać i dalej,
— skazaŭ jon. — A na pradpryjemstvy nakirujcie svaich ludziej. I hałavoj budziecie adkazvać za hetyja pradpryjemstvy».

Kiraŭnika kancerna Dančanka «Biełdziaržcharčpram» jon prapanavaŭ adpravić na «Kamunarku» — «niachaj naviadzie paradak i pakaža, jak pracavać». «Voś i ŭsio. Jakija tut prablemy? Davajcie tak zrobim», — skazaŭ Łukašenka.

Tak i stałasia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?