AAT «Biełaruski aŭtamabilny zavod» stała kirujučaj kampanijaj «BiełAZ-Chołdynh».

U skład chołdynhu ŭvajšli jašče piać udzielnikaŭ (daččynych kampanij). Heta SZAT «Mahiloŭski vahonabudaŭničy zavod», AAT «BiełAZ-Servis», AAT «Staradarožski miechaničny zavod», AAT «Kuźlitmaš», AAT «Słucki zavod pad'jomna-transpartnaha abstalavańnia». Mahiloŭski aŭtamabilny zavod jak filijał AAT «BiełAZ» taksama budzie pracavać u chołdynhu.

Jak adznačyli na pradpryjemstvie, stvareńnie chołdynhu budzie sadziejničać pavieličeńniu abjomu vypusku kankurentazdolnaj pradukcyi i pašyreńniu jaje pastavak na źniešnija rynki, zabieśpiačeńni stabilnaha ekanamičnaha stanu jaho ŭdzielnikaŭ, madernizacyi i techničnym pieraŭzbrajeńni dziejučych vytvorčaściej i asvajeńniu novych technałohij.

Takim čynam, zaraz u sistemie Ministerstva pramysłovaści stvorana ŭžo vosiem chołdynhaŭ,
u tym liku «Haryzont», «BiełOMA», «BiełaŭtaMAZ», «Aŭtakampanienty», «Biełstankainstrumient», «Biełaruskaja mietałurhičnaja kampanija», «Amkador». Skančajecca rehistracyja jašče adnoj struktury — «Lidsielmaš».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?