Śpiecyjalnaja rezalucyja Parłamienckaj asamblei Rady Jeŭropy pa situacyi ŭ Biełarusi budzie padrychtavana da studzienia 2013 hodv. Pra heta 4 kastryčnika zajaviŭ dakładčyk Asamblei, estonski deputat Andres Chierkiel, vystupajučy na pasiadžeńni kamitetu PARIE u palityčnych pytańniach.
«Praca nad dakumientam pačniecca ŭžo ŭ listapadzie, — adznačyŭ Chierkiel. — Całkam mahčyma, što ŭ studzieni nastupnaha hoda dakład budzie hatovy».
Pavodle jahonych słoŭ, Asamblei treba budzie pierš za ŭsio dać palityčnuju acenku parłamienckim vybaram, jakija prajšli niadaŭna ŭ krainie.
«Naš apošni dakład pa temie adnosicca da pačatku 2012 hoda. My škadujem, što situacyja z pravami čałavieka i demakratyjaj za minuły čas tolki pahoršyłasia».
«Ciapier u Biełarusi 12 palityčnych źniavolenych, — kanstatavaŭ dakładčyk. — Stan zdaroŭja niekatorych ź ich vyklikaje asablivuju zakłapočanaść».
U adkrytym dla presy pasiadžeńni kamitetu PARE pryniali ŭdzieł staršynia Biełaruskaha Chelsinskaha kamiteta Aleh Hułak i namieśnik kiraŭnika začynienaha ŭładami pravaabarončaha centra «Viasna» Valancin Stefanovič.
Padčas debataŭ zdaryŭsia skandał — aficyjnaha pradstaŭnika ŭrada Biełarusi vypravadzili z zali, bo jon nie atrymaŭ śpiecyjalnaha zaprašeńnia.
U MZS Biełarusi pakul nie kamientujuć hetuju padzieju.
