Minułyja parłamienckija vybary byli najmienš kanfliktnymi ŭ historyi suvierennaj Biełarusi. Ab hetym u efiry prahramy «Kontury» na telekanale ANT 30 vieraśnia zajaviła staršynia CVK Lidzija Jarmošyna.

Kiraŭnik CVK zadavolena vynikami vybarčaj kampanii: «Heta, napeŭna, navat samyja prostyja parłamienckija vybary za ŭvieś toj pieryjad, kali ja pracuju staršynioj». Jak praviła, vybrańnie deputataŭ parłamienta źjaŭlajecca samym kanfliktnym, i palityčnaje napružańnie paśla hetaha značna bolš ciažkaje, čym paśla ŭsich inšych vybarčych kampanij, skazała jana. Pastupaje šmat skarhaŭ, adznačajucca sprečki, składanyja ŭzajemaadnosiny pamiž kandydatami i akruhovymi vybarčymi kamisijami. Pa vynikach praviedzienych vybaraŭ takich situacyj uźnikała značna mienš, spakojnaj i małakanfliktnaj možna nazvać i apielacyjnuju kampaniju.

«Ci to kandydaty byli iniertnyja, ci to našy vybarčyja kamisii pracavali lepš, čym zvyčajna. Ci to sapraŭdy dapamahli tyja źmianieńni vybarčaha zakanadaŭstva, jakija ŭstupili ŭ siłu dva hady tamu», — rastłumačyła Lidzija Jarmošyna.

Razam z tym, na jaje dumku, pretendenty na deputacki fatel mała pracavali z vybarščykami, u suviazi z čym pastupali zajavy ad hramadzian na niedastatkovuju kolkaść infarmacyi pra kandydataŭ.

U cełym, ličyć Lidzija Jarmošyna, novaŭviadzieńni na ciapierašnich parłamienckich vybarach (praviadzieńnie debataŭ, zajaŭny pryncyp praviadzieńnia pieradvybarnaj ahitacyi, biudžetnyja ŭlivańni i inš.) siabie apraŭdali, choć byli i zboi.

Havoračy ab tym, nakolki abjektyŭnyja i niezaležnyja acenki nahladalnikaŭ pa vynikach vybaraŭ, Lidzija Jarmošyna adznačyła, što jany zaležać ad tych zadač, jakija staviacca pierad misijaj. Peŭnym krokam nasustrač z boku misii ABSIE jana nazvała pryznańnie vybaraŭ adpaviednymi nacyjanalnamu zakanadaŭstvu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?