Takoje mierkavańnie siońnia žurnalistam vykazała načalnik adździeła raźvićcia piensijnaj sistemy Ministerstva pracy i sacyjalnaj abarony Biełarusi Taćciana Pahonyšava.

«Pry ŭsim uchile na bolš maładuju pracoŭnuju siłu piensijaniery składajuć davoli vialikuju kankurencyju svaim maładym kaleham z ulikam vialikaha vopytu i adkaznaści ŭ adnosinach da raboty»,
— skazała Taćciana Pahonyšava.

Jana adznačyła, što zaachvočvańnie bolš doŭhaj pracoŭnaj dziejnaści ŭ Biełarusi vielmi aktualna: «Jak viadoma, piensijny ŭzrost u našaj krainie źjaŭlajecca davoli nizkim u paraŭnańni ź inšymi krainami, ale pavialičvać jaho nie płanujecca. My pajšli pa inšym šlachu — zaachvočvańnia dobraachvotnaha pavyšeńnia piensijnaha ŭzrostu».

Taćciana Pahonyšava nahadała, što zhodna z ukazam № 136 ad 18 sakavika 2012 hoda «Ab mierach pa ŭdaskanaleńni piensijnaha zabieśpiačeńnia hramadzian», jaki ŭstupaje ŭ siłu 1 kastryčnika 2012 hoda,

adkłaŭšy atrymańnie piensii na piać hadoŭ, čałaviek zmoža pavysić jaje pamier u 1,7–2 razy.

Normy ŭkaza dajuć mahčymaść pavialičyć pamier piensii nastupnym čynam: za pieršy hod pracy pry tych ža ŭmovach — na 6% zarabotku, jaki prymajecca dla vyličeńnia piensii, za druhi — na 8%, za treci — na 10%, za čaćviorty — na 12%, za piaty i nastupnyja hady pracy — na 14%.

Pavodle słoŭ načalnika adździeła raźvićcia piensijnaj sistemy, u Biełarusi i raniej isnavali premijalnyja normy.
U adpaviednaści z zakonam «Ab piensijnym zabieśpiačeńni» asobam, jakija pradoŭžyli pracavać paśla dasiahnieńnia piensijnaha ŭzrostu biez atrymańnia piensii, pradastaŭlajecca mahčymaść pavialičyć jaje pamier pa ŭzrostu na 1 pracent zarabotku, što prymajecca dla vyličeńnia piensii, za dva miesiacy pracy.

Ciapier piensiju pa ŭzroście z «premijalnym» pavieličeńniem pamieru atrymlivajuć bolš jak 5 tys. biełarusaŭ. Usiaho z 2,5 młn. piensijanieraŭ, jakija pražyvajuć u Biełarusi, pracujuć amal 566 tys. U siarednim ludzi pracujuć paśla dasiahnieńnia piensijnaha ŭzrostu kala piaci hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?