Pałata pradstaŭnikoŭ nacyjanalnaha schodu na pieršym pasiadžeńni 11-j siesii čaćviortaha sklikańnia, jakoje adbudziecca 2 kastryčnika, razhledzić u pieršym čytańni prajekt zakona ab biudžecie na 2013 hod.

Prajekt biudžetu na nastupny hod maje sacyjalnuju nakiravanaść i praduhledžvaje pavieličeńnie abjomu srodkaŭ, što vydzialajucca na raźvićcio śfier adukacyi, achovy zdaroŭja, navuki. Taksama praduhledžvajecca pavysić efiektyŭnaść vykarystańnia hetych srodkaŭ.

Akramia taho, na pasiadžeńni płanujecca razhledzieć u pieršym čytańni papraŭki ŭ biudžetny i padatkovy kodeksy, a taksama ŭ zakon ab elektronnym dakumiencie i elektronnym ličbavym podpisie.
Praduhledžvajecca i ratyfikacyja niekalkich pahadnieńniaŭ. Jany datyčacca ŭzajemnaha vydzialeńnia ziamielnych učastkaŭ pad dypłamatyčnyja misii i inšyja mety ŭ Biełarusi i ŭ krainach, jakija padpisali hetyja dakumienty, — Turkmienistanie, Kazachstanie i Rasii.
Taksama čakajecca pryniaćcie ŭ pieršym i druhim čytańniach prajekta zakona ab biudžecie dziaržaŭnaha pazabiudžetnaha fondu sacabarony nasielnictva Biełarusi na 2013 hod.
Adrazu ŭ dvuch čytańniach płanujecca pryniać papraŭki ŭ zakon ab piensijnym zabieśpiačeńni. Hetyja źmianieńni ŭ tym liku praduhledžvajuć mahčymaść adterminavać atrymańnie piensii pry nadychodzie piensijnaha ŭzrostu 55 hadoŭ žančynam i 60 hadoŭ mužčynam pry adnačasovym pavieličeńni sumy. Papraŭki źjaŭlajucca łahičnym pradaŭžeńniem ukaza numar 136 «Ab mierach pa ŭdaskanaleńni piensijnaha zabieśpiačeńnia hramadzian».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?