Restaŭracyja — heta vydatna. Heta našmat lepš, čym budavać vializnyja, nikomu nie patrebnyja spartyŭnyja kompleksy. Heta vydatny ŭkład u raźvićcio turyzmu i kultury našaj krainy.

Vy ŭsio jašče dumajecie, što adnaŭleńnie pomnikaŭ historyi biełaruskimi restaŭratarami — heta dobra? Dobra, možna daravać tannyja škłopakiety ŭ Miry i viežu-cybulinu ŭ Niaśvižy.

Ale daravać žalezabieton i cehłu «pavodle DASTu», vykładzienuju małpami ź pieršych kursaŭ budaŭničych kaledžaŭ, ja nie mahu. Papiaredžvaju, što paśla takoj restaŭracyi vočy treba myć z myłam.

Pryhoža, akuratna, miła hladzicca zamak…

…pakul nie pačynaješ pryhladacca.

Moža, usiaredzinie pastaralisia restaŭratary? Viadoma! I pačali jany z kasy. Jak bačna, dla pracy ŭ kasie patrebnyja navyki prodažu biletaŭ «Supierłato» ŭ lubuju paru hoda.

I kali ŭ Jeŭropie vam daduć unikalny kvitok z historyjaj zamka (ci chacia b jaho vyjavaj), to tut vam vydaduć zvyčajny ček ź ličbami nakštałt «5500». Dziakuj, što choć nie ad ruki napisany.

Spadziajusia, ekspazicyja paciešyć. Jak jana moža nie radavać, kali viaduć u jaje dźviery, padpiertyja kamianiami? Napeŭna, vypali sa ściany zamka.

A na pieršy pavierch viadzie vydatna stylizavanaja leśvica. Praŭda, biez parenčaŭ.

Ekspazicyja nahadała krajaznaŭčy kutok u školnym muziei. Jak heta jany jašče abyšlisia biez narodnaha kutka, nakaniečnikaŭ i artefaktaŭ Vialikaj Ajčynnaj vajny…

Śviečki — nie atrybut, a vykanańnie 3-j dyrektyvy. U zamku vielmi ciomna.

Kančatkova adnaŭlaje atmaśfieru karta za 6 tysiač biełaruskich rubloŭ u biarozavaj kary.

Jak toj kazaŭ, pabudavali biez adzinaha ćvika:

Ładna, moža, paśla taho prahułki pa ścienach zamka, mnie ŭdasca heta razbačyć. Choć i tut paškadavali trochi maryłki dla atmaśfiernaści, a padłoha, mabyć, zastałasia ad budaŭničych lasoŭ.

Jak bačna, nie paŭsiul chapiła ściažkoŭ.

Źviarnicie ŭvahu na hetyja cudoŭnyja akonnyja prajomy. Karcina «Usie biełaruskija mulary źjechali ŭ Rasiju».

Napeŭna, taki zamak prastaić jašče tysiaču hadoŭ.

Budaŭniki z razumieńniem i adkaznaściu pastavilisia da vykanańnia zadačy, rastvoru nie škadavali.

Chacia niekatoryja cahliny pry žadańni možna zabrać na suvieniry.

Za tysiaču hadoŭ technałohija budaŭnictva sklapieńniaŭ była stračanaja.

Budaŭniki nie zabyli pra vientylacyju. Chaatyčnuju, jakaja ničym nie zakančvajecca. Budziem spadziavacca, kamuści chapiła na daču.

Viadoma, škada, što kiraŭniki prajekta nie adroźnivajuć adcieńni čyrvonaha.

Miescy, dzie fantazii nie chapiła, prosta zabietanavali.

Jak škada, što zbudavańniaŭ u pravaj častcy niama ni na adnoj hraviury. Moža, jany ahraharadok budujuć?

Miarkujučy pa pamiery, hety «pieršy kamień» zakłaŭ sam prezident.

Vykarystoŭvać draŭlanyja leśvicy ŭ kamiennym zamku — nie pravasłaŭna. Zusim inšaja sprava — utulny žalezabieton!

Atrymałasia navat lepš, čym u Siaredniavieččy.

Atmaśfiera zamka dapaŭniajecca lichtarami, stylizavanymi pad kaniec XX — pačatak ChXI stahodździa:

A ŭ hetaj viežy znajšlisia lišnija vokny. Zatoje sekanomili na škłopakietach.

Varta nahadać, što 2011 hod u Biełarusi — hod jakaści:

Ja nie ździŭlusia, kali ŭ budaŭnikoŭ zastalisia lišnija kamiani ad zamka.

Zaviaršaje kampazicyju hatel «Lida».

Z zabavak zamak moža prapanavać stralbu z łuka na śpiecyjalna abharodžanaj dla hetaha placoŭcy…

…i fota ŭ kletcy.

Ułasna, jaki zamak — takija na jaho achviaravańni.

Miascovyja žychary vykarystoŭvajuć ścieny jak prybiralniu. Jak patłumačyŭ svoj učynak małady čałaviek, «horš užo nie budzie».

Ahrareniesans, sielskaje baroka, viaskovy postmadern — voś takija słovazłučeńni milhajuć u hałavie paśla naviedvańnia Lidskaha zamka. Ja ščyra spadziajusia, što na inšyja zamki «restaŭrataram» hrošaj nie chopić.

I jašče: chto pryniaŭ takuju pracu pa «restaŭracyi»? U hetaha čałavieka niama vačej, niama mazhoŭ? Jon nienavidzić historyju rodnaj krainy? Ci prosta atrymaŭ adkat?

Voś takija «Dažynki luboj canoj», jakija adbylisia ŭ Lidzie ŭ 2010 hodzie.

Pryjemnych padarožžaŭ!

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?