U płanach architektaraŭ i haradskich uładaŭ jašče niekalki viežaŭ, jakija pretendujuć na status chmaračosaŭ. Ci tak nieabchodna siońnia Minsku naroščvać vyšynnaje budaŭnictva? Ci zaŭsiody darečnaje ŭščylnieńnie zabudovy ofisnymi «śviečkami»? Svaim mierkavańniem z hetaj nahody padzialiŭsia staršynia Biełaruskaha sajuza architektaraŭ Alaksandr Korbut.

«Ja pierakanany, što nie treba pieratvarać Minsk u Šanchaj abo Hankonh, zabudoŭvajučy horad 50-80-paviarchovymi budynkami, — razvažaje Korbut na staronkach „BSH. Budaŭničaja hazieta“. — Minsk maje svaju architekturu, stvoranuju pakaleńniami paślavajennych architektaraŭ, i my hanarymsia svaim horadam. Adzin praśpiekt Niezaležnaści čaho varty! Nie vyklučana, što praź niekatory čas JUNIESKA voźmie jaho pad svaju abaronu. I nam nie treba razburać hety architekturny ansambl. Kali my havorym pra biełaruskuju nacyjanalnuju architekturu, to praśpiekt — naš nacyjanalny nabytak».

Alaksandr Korbut pryvioŭ u jakaści prykładu Jerusalim, dzie, pavodle jaho słovaŭ, zabaroniena budavać budynki, vyšejšyja za 4–5 pavierchaŭ. «Moža, nam varta ŭziać heta na ŭzbrajeńnie?» — kaža staršynia BSA.

Zakranuŭ Korbut i prablemu ŭščylnieńnia zabudovy Minska zamiežnymi inviestarami, u vyniku jakoha paharšajucca jak jakaści žyłoha asiarodździa, tak i abličča rajonaŭ:

«Na žal, inviestary redka prychodziać z metaj palepšyć asiarodździe pražyvańnia haradžan. Čaściej meta inšaja — atrymać maksimalny prybytak, bo prajektavańnie i budaŭnictva ŭ našaj krainie pavodle „čužych“ narmatyvaŭ dazvalaje davodzić rentabielnaść układzienaha kapitału da 300–400%. Ja, jak i mnohija maje kalehi, suprać takich inviestycyj. Jany źniščać našaje asiarodździe i architekturu».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?