Abjadnanaja hramadzianskaja partyja na pazačarhovym źjeździe 28 lipienia vyłučyła 57 patencyjalnych kandydataŭ u deputaty pałaty pradstaŭnikoŭ.

Siarod ich — lidar partyi Anatol Labiedźka, namieśnik staršyni AHP Leŭ Marholin, viadomaja televiadučaja Zinaida Bandarenka, prafiesar, ekołah Hieorhij Lepin, były kiraŭnik Nacyjanalnaha banka Biełarusi Stanisłaŭ Bahdankievič, były ministr abarony Biełarusi Pavieł Kazłoŭski, maci palityčnych źniavolenych Valancina Alinievič i Ludmiła Mirzajanava, były ministr sielskaj haspadarki Vasil Lavonaŭ i inšyja viadomyja ludzi.

Varta adznačyć, što niekatoryja kandydaty-śpikiery ad AHP byli pryniaty ŭ jaje šerahi prama na źjeździe partyi.
Jak rastłumačyŭ Marholin, hetyja ludzi padzialajuć stratehiju AHP na vybarach i pahadzilisia stać śpikierami ad partyi, vykarystoŭvać svoj aŭtarytet u rastłumačeńni nasielnictvu prablem vybaraŭ. «Što jany buduć rabić paśla vybarčaj kampanii, ci pahodziacca jany dalej brać udzieł u dziejnaści partyi, jany vyrašać sami», — skazaŭ Marholin.
Hałasavańnie prachodziła pa kožnaj kandydatury piersanalna.

Źjezd AHP abraŭ taksama naziralnika ad partyi ŭ Centralnuju vybarčuju kamisiju. Im staŭ Viktar Karniajenka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?