Kontury samaha pierśpiektyŭnaha minskaha mikrarajona — Lebiadzinaha — pačynajuć pramaloŭvacca. Adzin za adnym zabudoŭščyki abviaščajuć pra pačatak budaŭnictva ŭ rajonie pr. Pieramožcaŭ. Miarkujecca, u žniŭni AAT «Biełbud» zakładzie dva novyja damy niepadalok ad «Minsk-Areny».

— Žyłyja damy raźmiaščajucca ŭ pieršaj linii zabudovy praśpiekta Pieramožcaŭ elitnaha mikrarajona «Lebiadziny». Prajektnaje rašeńnie zabiaśpiečvaje kamfortnaje pražyvańnie žycharoŭ, — skazana na sajcie zabudoŭščyka. — Vyšynia žyłych damoŭ, u jakich my prapanujem kvatery, — 8–16 pavierchaŭ. Budynki abjadnanyja styłabatam, jaki stvaraje dakładnuju architekturnuju liniju i vyłučaje piešachodnuju zonu. Palepšanaje azdableńnie fasadaŭ z vykarystańniem lustranoha škła, padśviatleńnie nadajuć damam śviatočnaść, stvarajuć reśpiektabielny šarm.

Vyšynia žyłych pavierchaŭ pavialičanaja da 3 mietraŭ. Kanstrukcyja — manalitny karkas z zapaŭnieńniem vonkavych ścien hazasilikatnymi błokami. Ahulnyja płoščy kvater: 1-pakajovyja — ad 26 da 47 kv.m; 2-pakajovyja — ad 57 da 65 kv.m; 3-pakajovyja — ad 95 da 105 kv.m; 4-pakajovyja — ad 110 da 120 kv.m.

Ceny na kvatery varjujucca. Siarod katehoryj hramadzian, na jakich raźličanaje elitnaje žyllo, vyučanyja lhotniki i čarhaviki. Dla tych, chto budujecca na ahulnych padstavach, mietr ličać pa $1800 (mahčymyja źnižki), dla čarhavikoŭ, «jakija nie majuć lhot pa biazvypłatnaj pieradačy žylla Minharvykankamu», — $1610, dla lhotnikaŭ — $1500.

Aŭtamabili žycharoŭ buduć raźmiaščacca ŭ padziemnych haraž-stajankach, jakija praduhledžanyja ŭ kožnym domie. Košt mašyna-miesca — 12 tys. dalaraŭ. Zaviaršyć budaŭnictva płanujuć u mai 2014-ha.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?