Advakatka Antona Surapina paviedamiła žurnalistam, što jaje padabaronny praciahvaje znachodzicca ŭ SIZA KDB. jon nie pieraviedzieny ŭ status abvinavačannaha, ale pryčyny, pa jakim jaho ŭtrymlivajuć pad vartaj jana nie moža ahučyć z-za padpiski ab nierazhałošvańni. Advakatka pieradała. što Antoni nie skardzicca na ŭmovy ŭtrymańnia: u kamiery jość televizar. Žurnalist pieradaŭ svaim kaleham i ŭsim nieabyjakavym słovy ŭdziačnaści za padtrymku.

***

U dačynieńni da Surapina raspačata kryminalnaja sprava. Małady žurnalist abvinavačvajecca ŭ «dapamahańni naŭmysnamu niezakonnamu pierasiačeńniu miažy, učynienamu arhanizavanaj hrupaj asob» (č. 3 art. 371 KK), jamu pahražaje da 7 hadoŭ pazbaŭleńnia voli. Surapin byŭ zatrymany 13 lipienia i ŭtrymlivajecca ŭ śledčym izalatary KDB. Aficyjnaje abvinavačańnie jamu pavinna być pradjaŭlena da siaredziny dnia 23 lipienia.

Žurnalisty sabralisia, a 16-j la budynka KDB na Kamsamolskaj.

Nahadajem, što Surapina zatrymali 13 lipienia, praz 9 dzion paśla palotu šviedskaha samalota, jaki pryvioz u našu krainu «cacačny desant».

Surapin byŭ adnym ź pieršych, chto apublikavaŭ fota miadźviedzikaŭ ź Ivianca. Pa hetaj ža spravie KDB zatrymała staličnaha ryełtara Siarhieja Bašarymava. Jon znachodzicca za kratami ad viečara 6 lipienia.

Mahčyma, paźniej źjavicca infarmacyja ad advakata Antona.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?