Inviestar hatovy ŭkłaści $1 miljon u stvareńnie sanatoryja ŭ Minskim rajonie. Pra heta raspaviała siońnia načalnik adździeła turyzmu pry TAA «Łade» Natalla Makiej.

Inviestar płanuje vykupić dla hetaha budynak jakoha-niebudź azdaraŭlenčaha łahiera, paśla čaho pryvieści jaho ŭ paradak. Ciapier kampanija razhladaje roznyja varyjanty. Idealnaje dla sanatoryja miesca pavinna znachodzicca niedaloka ad Minska i susiedničać z vadajomam. Miarkujecca, što jon budzie znachodzicca ŭ miežach 30 km ad biełaruskaj stalicy.

Pryvatny sanatoryj budzie aryjentavany jak na zamiežnikaŭ (pierš za ŭsio rasiejcaŭ), tak i na biełarusaŭ.
Apošnim, da ŭsiaho inšaha, płanujuć prapanavać viačerni stacyjanar, kab naviedvalnik moh sumiaścić pracu z adpačynkam i lačeńniem u sanatoryi.

U Biełarusi naličvajecca 70 sanatoryjaŭ, jakija karystajucca papularnaściu siarod biełarusaŭ i rasiejcaŭ. Pry hetym bolšaść biełaruskich sanatoryjaŭ naležać dziaržavie, tady jak pryvatnyja inviestary tolki pačynajuć vychodzić na hety rynak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?