Homielski apazicyjanier Kanstancin Žukoŭski 14 lipienia źviarnuŭsia sa skarhaj u prakuraturu Homielskaj vobłaści na dziejańni supracoŭnikaŭ Śledčaha kamiteta, jakija niapravilna aformili jamu pozvu, nie ŭkazaŭšy, u jakaści kaho jon pavinien źjavicca tudy.

20 lipienia zajaŭnik atrymaŭ pa pošcie adkaz.

Jak vynikaje z adrasu adpraŭnika, heta — prakuratura Homielskaj vobłaści, što paćviardžajecca i «šapkaj» na aficyjnym błanku. Adnak padpisany adkaz načalnikam adździeła Śledčaha kamiteta pa Homielskaj vobłaści.
«Zaapark» — tak acharaktaryzavaŭ roznačytańni Žukoŭski.

Zhodna z zakonam ab zvarotach hramadzian, adkaz ź dziaržaŭnych struktur pavinien davacca na movie zajaŭnika. Žukoŭski źviartaŭsia sa skarhaj u prakuraturu na biełaruskaj movie. Adkaz jon atrymaŭ nie niejkaj movie, addalena padobnaj na biełaruskuju.

Naprykład,

u tekście adkazu ŭžyvajucca frazy «nakiroŭvaju dla razhladu pa istocie» (zamiest «pa sutnaści»), «apaviaščaju Žukoŭskaha ab napramku zvarotu dla dazvołu prakuroru» (zamiest «paviedamlaju Žukoŭskamu ab nakiravańni zvarotu dla vyrašeńnia prakuroru»). Upraŭleńnie Śledčaha kamiteta nazvanaje «kiravańniem Śledčaha kamiteta».

«Naša biełaruskaja mova praz rusifikacyju štučna vyviedziena z užytku. Čynoŭniki, jakija nie viedajuć rodnuju movu, čužyja narodu, tamu niama zakona i paradku. U ich, čynoŭnikaŭ, niama pavahi da movy naroda i, adpaviedna, da nośbitaŭ hetaj movy», — zajaviŭ Žukoŭski.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?