Kab ušanavać pamiać ijerarcha biełaruskaha kaściołu ŭ pinskaj katedry Uniebaŭziaćcia Najśviaciejšaj Dzievy Maryi pryznačyli paminalnuju liturhiju. Uznačaliŭ śviatuju imšu mitrapalit Tadevuš Kandrusievič.

22 lipienia paminać kardynała Śvionteka buduć i ŭ minskaj archikatedry. Čas praviadzieńnia nabažejnstvaŭ — 11.30 i 13.30

Kazimir Śviontek naradziŭsia 21 kastryčnika 1914 hada ŭ Estonii, achryščany byŭ u Ryzie. Paśla zakančeńnia Vyšejšaj duchoŭnaj sieminaryi ŭ Pinsku 8 krasavika 1939 hoda ŭ tamtejšaj katedry jon byŭ vyśviečany na śviatara i skiravany na pracu ŭ Pružany.

U vyniku pieraśledavańnia relihii Śviontek byŭ aryštavany i asudžany na śmierć.
Vajna pieraškodziła vykanać prysud. Adnak u 1944 hodzie małady śviatar znoŭ byŭ aryštavany i asudžany na 10 hadoŭ łahieraŭ, dzie ciažka pracavaŭ spačatku ŭ Sibiry, a potym za Palarnym kruham u Incie kala Varkuty.

Vyjšaŭšy na volu ŭ 1954 hodzie, jon apynuŭsia ŭ Pinsku.

11 lutaha 1999 h. kardynał Kazimir Śviontek byŭ abrany pieršym Staršyniom Kanfierencyi Katalickich Biskupaŭ u Biełarusi. Faktyčna ŭznačaliŭ biełaruski Kaścioł. Znachodziŭsia na hetaj pasadzie da 2006 hoda.

Adna z najbolš istotnych zasłuh Śvionteka — umacavańnie ŭ kaściole biełaruskaj movy.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?