Dom u Horkach, u jakim u 1926—1928 hadach žyŭ kłasik biełaruskaj litaratury Maksim Harecki, padlahaje znosu. Pra heta zajaviŭ namieśnik staršyni Horackaha rajvykankama Uładzimir Piatrovič.

Jon adznačyŭ, što ŭ Horkach šmat źviazana ź imiem Maksima Hareckaha.

"U nas vulica Hareckaha jość, šmat čaho ŭ Biełaruskaj sielhasakademii nazvana imiem Hareckaha. I spadčyna Hareckaha adsočvajecca tymi ludźmi, jakim heta padabajecca: chtości lubić Puškina, chtości — Hareckaha", — skazaŭ čynoŭnik.

Pavodle jaho słoŭ, dom pa vulicy Ahranamičnaj, 3, dzie žyŭ piśmieńnik, siońnia nie maje taho vyhladu, jaki byŭ pry jaho žyćci. "Byŭ draŭlany budynak, častkova zhnili biarviony, abkładzieny cehłaj. Budynak całkam źmianiŭ svoj vyhlad i strukturu. Ludzi tam žyvuć z usimi niazručnaściami, ale zasłužyli, kab žyć pa-čałaviečy ŭ XXI stahodździ", — zajaviŭ Piatrovič.

Namieśnik staršyni rajvykankama nahadaŭ, što adnosna hetaha budynka było šmat debataŭ.

"Ale ŭ kančatkovym vyniku pryniali rašeńnie, što jaho treba prosta źnieści, kab nie stvarać niejkich niespryjalnych umoŭ tym, chto tam žyvie", —
skazaŭ čynoŭnik.

Nahadajem, u pačatku hetaha hoda hrupa hramadskich aktyvistaŭ z Horak, Minska i Viciebska pačała zbor podpisaŭ z patrabavańniem zachavać "dom Hareckaha".

Adnak u kancy červienia navukova-mietadyčny saviet pry Ministerstvie kultury pryniaŭ rašeńnie nie nadavać budynku status historka-kulturnaj kaštoŭnaści.

Staršynia Biełaruskaha tavarystva achovy pomnikaŭ historyi i kultury Anton Astapovič apratestavaŭ hetaje rašeńnie. Pavodle jaho słoŭ,

kali "dom Hareckaha" źniasuć biez razhladu lista, heta budzie "najhrubiejšaje parušeńnie zakanadaŭstva pa achovie spadčyny, źniščeńnie abjekta, jaki ŭ pierśpiektyvie moža stać historyka-kulturnaj kaštoŭnaściu, a heta — art. 344 Kryminalnaha kodeksa".
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?