Ranicaj 20 lipienia ŭ maci Antona, jakaja siońnia pryjechała ŭ Minsk sa Słucku, narešcie pryniali pieradaču dla jaje syna.

Nahadajem, što dźvie papiarednija sproby pośpiechu nie mieli — u aŭtorak u KDB skazali, što «niepryjomny dzień», a ŭ sieradu zajavili, što prymuć pieradaču tolki ad blizkich svajakoŭ (maci na toj momant viarnułasia ŭ Słuck i paprasiła siabroŭ pieradać pakiet zamiest jaje).

***

    Nahadajem, što 20-hadovaha Antona Surapina, siabra HA «BAŽ», navučenca 4 kursa Instytuta žurnalistyki BDU, zatrymali ranicaj 13 lipienia paśla pieratrusu ŭ jaho kvatery. U toj ža viečar śledčy KDB paviedamiŭ Alenie Surapinaj, što jaje syna zatrymali na 72 hadziny. Paśla zakančeńnia hetaha terminu da žurnalista prymianili mieru strymańnia ŭ vyhladzie ŭtrymańnia pad vartaj na 10 sutak (z momantu zatrymańnia).
    Pieršy dopyt žurnalista adbyŭsia 16 lipienia. 17 lipienia dziažurny advakat, jaki prysutničaŭ na pieršym dopycie, skazaŭ baćkam Antona, što ich syn zatrymany ŭ miežach rasśledavańnia kryminalnaj spravy ab niezakonnym pierasiačeńni dziaržaŭnaj miažy RB, ździejśnienym arhanizavanaj hrupaj asobaŭ (art. 371 č.3 KK RB). Antona padazrajuć u spryjańni hetym złačynnym dziejańniam (art. 16 KK RB), hruntujučysia na raźmieščanych im u internecie ekskluziŭnych fota «šviedskich miadźviedzikaŭ». Sam Anton pisaŭ u hetym materyjale, što fota dasłaŭ jamu pa elektronnaj pošcie nieviadomy čałaviek, jakija žyvie nie ŭ Minsku.
    10 sutak utrymańnia Antona pad vartaj skončacca ŭ paniadziełak. Paśla hetaha jamu musiać albo pradjavić abvinavačańnie, albo adpuścić na volu. Svajaki i kalehi žurnalista spadziajucca ŭ paniadziełak sustrecca z Antonam.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?