Žychar Homiela Jaŭhien Dzieduškin damahajecca kampiensacyi za niezakonna praviedzienyja ŭ źniavoleńni try hady. 19 lipienia Homielski abłasny sud vynies pastanovu pryznać za im prava na pakryćcio majomasnaj škody i prava na kampiensacyju ŭ hrašovym vyražeńni za naniesieny maralny ŭron.

U dačynieńni da Dzieduškina dvojčy vynosili abvinavaŭčyja prysudy, jakija paśla admianiali. Tolki paśla troch hadoŭ śledstva, sudovych pasiadžeńniaŭ jon damohsia pierahladu svajoj kryminalnaj spravy i apraŭdańnia, straciŭšy hady žyćcia, zdaroŭje, pastajannuju pracu i reputacyju.

Letam 2008 hoda nieviadomy niekalki razoŭ padpalvaŭ haražy ŭ Navabielickim rajonie Homiela.

Na miescy padpałaŭ byŭ zatrymany ŭrač-psichijatr Jaŭhien Dzieduškin.
Jon žyŭ pobač i, pavodle jaho słoŭ, ubačyŭšy zarava, pryjšoŭ ź cikaŭnaści na miesca zdareńnia. Milicyja zatrymała maładoha čałavieka, abvinavaciŭšy va ŭčynieńni padpałaŭ. Sud pryznaŭ urača vinavatym u padpałach i pakaraŭ pazbaŭleńniem voli na čatyry hady.

Praz try hady, u sakaviku 2011 hoda, sudovaja kalehija Homielskaha abłasnoha suda poŭnaściu apraŭdała byłoha ŭrača, ź jaho źniali ŭsie abvinavačańni. Jon apraŭdany z farmuloŭkaj "u suviazi ź niedakazanaściu viny".

"Ciapier staić pytańnie: chto vinavaty ŭ tym, što ja bolš za hod pravioŭ u SIZA, patraciŭ šmat hrošaj na jurydyčnyja pasłuhi, straciŭ pracu?

Sud mianie apraŭdaŭ, heta značyć ja nievinavaty, pra što i paŭtaraŭ zaŭsiody na śledstvie i sudzie, dokazaŭ majoj viny nie było. Paśla vyniasieńnia siońnia takoj pastanovy — pryznańnia za mnoj prava patrabavać kampiensacyju, ja budu rychtavać isk ab pakryćci materyjalnaha i maralnahu ŭronu", — prakamientavaŭ Dzieduškin.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?