Pra heta na sustrečy z žurnalistami 27 krasavika paviedamiŭ staršynia Śledčaha kamiteta Valeryj Vakulčyk.

Pavodle jaho słoŭ, pa spravie prachodziać piać čałaviek, jany znachodziacca pad vartaj. Fihurantam spravy pradjaŭlena abvinavačańnie ŭ niezakonnaj pradprymalnickaj dziejnaści pavodle č. 3 art. 233 Kryminalnaha kodeksa. «U spravy jość dobryja sudovyja pierśpiektyvy», — upeŭnieny Vakulčyk.

Jon paviedamiŭ, što pa spravie pryznačana šmat ekśpiertyz, vyvučajecca kožny aryštavany rachunak, infarmacyja ŭ kanfiskavanych kampjutarach.

Pavodle słoŭ Vakulčyka, kali padčas śledstva vyśvietlicca, što złačynstva arhanizoŭvałasia z-za miežaŭ Biełarusi, to Śledčy kamitet źvierniecca pa dapamohu ŭ inšyja krainy.

Jak paviedamlałasia raniej, padčas praviadzieńnia apieratyŭna-vyšukovych mierapryjemstvaŭ było ŭstanoŭlena dačynieńnie hrupy asob da ažyćciaŭleńnia niezakonnych finansavych apieracyj i zavałodańnia hrašovymi srodkami biełaruskich hramadzian šlacham padmanu. U pryvatnaści, złamyśniki ad imia niezarehistravanaj u padatkovych orhanach i orhanach miascovaj vykanaŭčaj ułady arhanizacyi «MMM-2011» ažyćciaŭlali na terytoryi Biełarusi dziejnaść pa pryjomie ŭnioskaŭ i stavak na vyjhryš ad nasielnictva, spałučanuju z atrymańniem dachodu ŭ asabliva bujnym pamiery. Vypłata pracentaŭ pa ŭnioskach abo viartańnie układzienych hrašovych srodkaŭ z ulikam ahavoranaj uznaharody (vyjhryšu) ažyćciaŭlalisia členami hrupy za košt pryciahnieńnia novych unioskaŭ (stavak) hramadzian, jakich naŭmysna ŭvodzili ŭ zman nakont zakonnaści i ekanamičnaj metazhodnaści ździajśnieńnia takich apieracyj. Uciahnutymi ŭ finansavyja machinacyi akazalisia niekalki tysiač hramadzian Biełarusi, a dachod kampanii skłaŭ bolš za 500 młn. rubloŭ.

Supracoŭniki minskaha ofisa «MMM-2011» byli zatrymany śpiecsłužbami 16 sakavika. Potym u dačynieńni da ich KDB raspačaŭ spravu pavodle č. 3 art. 233 KK. Rasśledavańnie było pieradadziena ŭ Śledčy kamitet.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?