Šmat biełarusaŭ źbirajecca hetyja vychodny pravieści ŭ Vilni, naviedać zabaronieny ŭ Minsku kancert «Krambambuli», zakupicca ŭ vilenskich hipiermarkietach, pasiadzieć va ŭtulnych vilenskich kaviarniach. Ale Vilnia dla biełarusaŭ — heta nie prosta bližejšaja jeŭrapiejskaja stalica, a staražytnaja stalica našaj histaryčnaj dziaržavy Vialikaha Kniastva Litoŭskaha, možna skazać, muziej biełaruskaj historyi pad adkrytym niebam. I ŭ hetuju niadzielu jość cudoŭnaja mahčymaść naviedać jaho razam ź biełarusami-vilenčukami, jakija pahadzilisia pravieści ekskursii dla ŭsich achvotnych biełarusaŭ.

Na ahladnuju ekskursiju pa biełaruskich miaścinach centru našaj histaryčnaj stalicy zaprašaje Valancin Stech.

Jon praviadzie vas ad Vostraj Bramy da viežy Hiedymina, pakaža słavutyja Bazylanskija mury, drukarniu Franciška Skaryny dy šmat inšych vilenskich kutočkaŭ, źviazanych ź biełaruskaj historyjaj i jaje słavutymi dziejačami. Sustreča na ekskursiju — la Vostraj Bramy ŭ 12.00.
A ŭ 16.00 ad hałoŭnaha ŭvachodu ŭ Čyhunačny vakzał vypraŭlajucca achvotnyja trapić na ekskursiju ŭ viadomy niekropal — mohiłki Rosa.
Zładzić ekskursiju spadarynia Ludvika Vituška. Razam ź joj vy zmožacie naviedać mahiły, daviedacca pra žyćciovy šlach dy ŭšanavać pamiać znakamitych dziejačoŭ biełaruskaj historyi, takich jak braty Ivan i Anton Łuckievičy, litaratary Francišak Alachnovič, Jadvihin Š. (Anton Lavicki) i Uładzisłaŭ Syrakomla , ksiondz-paet Kazimir Svajak (Kanstancin Stapovič), architektar Lavon Vitan-Dubiejkaŭski, archieołah i historyk Jaŭstach Tyškievič, historyk Jaŭchim Laleviel dy mnohija inšyja.

Ekskursii biaspłatnyja, ale achviaravańni ekskursavodam vitajucca. Telefon dla kantaktaŭ u Vilni: +37060132952 (budzie pracavać 28—29 krasavika).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?