Infahrafika TSN.

Infahrafika TSN.

Vybuchi ŭ Makiejeŭcy, 20 studzienia 2011. Nichto nie paciarpieŭ. Fota tochka.net.

Vybuchi ŭ Makiejeŭcy, 20 studzienia 2011. Nichto nie paciarpieŭ. Fota tochka.net.

Vybuch u Charkavie, nichto nie paciarpieŭ. Fota TSN.

Vybuch u Charkavie, nichto nie paciarpieŭ. Fota TSN.

Vybuch u Dnieprapiatroŭsku, 16 listapada 2011. Zahinuŭ 27-hadovy mužčyna. Fota Most-dnepr.info.

Vybuch u Dnieprapiatroŭsku, 16 listapada 2011. Zahinuŭ 27-hadovy mužčyna. Fota Most-dnepr.info.

Sieryja vybuchaŭ u Dnieprapiatroŭsku, 27 krasavika 2012. 27 paranienych. Fota TSN.

Sieryja vybuchaŭ u Dnieprapiatroŭsku, 27 krasavika 2012. 27 paranienych. Fota TSN.

U 2011 hodzie pa Ukrainie prakaciłasia sieryja teraktaŭ. Pieršy byŭ ździejśnieny ŭ siale Makiejeŭka ŭ Danieckaj vobłaści ŭ pačatku hoda, a try astatnija adbylisia adzin za adnym na praciahu piaci tydniaŭ u kastryčniku-listapadzie. U vyniku adzin čałaviek zahinuŭ.

Vybuchi ŭ Makiejeŭcy prahrymieli ranicaj 20 studzienia. Pieršy — u 4:37 kala handlovaha centra Golden Plaza, druhi — praz 28 chvilin kala budynku dziaržpradpryjemstva «Makiejeŭvuhal». Ad tych vybuchaŭ nichto nie paciarpieŭ. Paźniej śledčyja paviedamili, što pabač ź miescami vybuchaŭ znajšli kanviert z patrabavańniem 4 miljonaŭ jeŭra. U advarotnym vypadku nieviadomyja pahražali novymi vybuchami. U chutkim časie milicyja vyjaviła jašče adno vybuchovaje prystasavańnie ŭ adnym z budynkaŭ pasiołka. Pravaachoŭnyja orhany rascanili incydent u Makiejeŭcy jak terakt.

Vybuchi ŭ Makiejeŭcy

13 kastryčnika ŭ Charkavie adbyŭsia vybuch ŭ centry horada kala adnaho z kijoskaŭ. U vyniku vybuchu nichto nie paciarpieŭ. Na miescy zdareńnia śledčyja znajšli frahmienty ćvikoŭ roznaj daŭžyni i dyjamietra. Była zaviedziena kryminalnaja sprava pa artykule «terarystyčny akt».

21 kastryčnika ŭ Zaparožžy ŭ supiermarkiecie «Silpo» ŭ kamiery zachoŭvańnia rečaŭ vybuchnuŭ nieviadomy pradmiet. U vyniku incydentu nichto nie paciarpieŭ. Spačatku śledčyja orhany raspačali spravu pa artykule «chulihanstva», adnak paźniej spravu pierakvalifikavali ŭ «terakt».

16 listapada ŭ Dnieprapiatroŭsku na praśpiekcie Karła Marksa ŭ vyniku vybuchu bomby, zakładzienaj u bietonnuju śmietnicu, zahinuŭ 27-hadovy biźniesoviec. Jon staŭ achviaraj vypadkova. Paźniej nieviadomyja raspaŭsiudzili ŭ internecie paviedamleńnie, u jakim nazvali siabie aŭtarami vybuchu 16 listapada i pryhrazili zładzić terakt u Daniecku. Jany ŭziali na siabie adkaznaść za terakty ŭ Zaparožžy i Charkavie.

Ukrainskija ŚMI razhladali niekalki viersij kamu byli patrebnyja tyja vybuchi. Siarod inšych prahučała viersija namieśnika prakurora Danieckaj vobłaści. Jaŭhien Maksak nie vyklučyŭ, što takim čynam chtości moh pasprabavać adciahnuć uvahu nasielnictva ad niejkich prablem, u tym liku sacyjalnych. Niaredka va ŭkrainskaj presie sustrakajucca paraleli ź minskim teraktam 2011 hoda, jaki adbyŭsia na fonie vostraha ekanamičnaha kryzisu.

Nahadajem, što 27 krasavika 2012 hoda ŭ Dnieprapiatroŭsku prahrymieła sieryja vybuchaŭ. Adzin ź ich — na praśpiekcie Karła Marksa. Pavodle aficyjnaj viersii, vybuchaŭ było čatyry, śviedki kažuć, što ich było bolš. Pavodle papiarednich źviestak MNS, ad vybuchu paciarpieli 27 čałaviek, ź ich 9 — dzieci.

Hladzi jašče: Ukrainski žurnalist: Bolš praŭdapadobnaj vyhladaje biznes-versija dnieprapiatroŭskich vybuchaŭ.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?