Pra heta havorycca ŭ paviedamleńni departamienta vieterynarnaha i charčovaha nahladu Ministerstva sielskaj haspadarki i charčavańnia Biełarusi.

Za sakavik—krasavik 2012 hoda dziaržaŭnymi inśpiektarami pa karancinie raślin Bresckaj, Minskaj i Mahiloŭskaj abłaściej vyjaŭleny try vypadki pastupleńnia ŭ Biełaruś tamataŭ ź Ispanii, zaražanych karancinnym abjektam — tamatnaj minirujučaj mollu.

Departamient vieterynarnaha i charčovaha nahladu papiaredžvaje imparcioraŭ raślinavodčaj pradukcyi, što, pavodle dziejnaha zakanadaŭstva, aharodninnaja pradukcyja, zaražanaja karancinnym abjektam (u hetym vypadku tamatnaj mollu), zabaroniena da ŭvozu na terytoryju Respubliki Biełaruś.

Tamatnaja minirujučaja mol adnosicca da siamiejstva vyjemčatakryłaj moli (Lep.: Gelechiidae) i źjaŭlajecca škodnikam tamataŭ i inšych paślonavych u bolšaści krain Paŭdniovaj Amieryki. Z 2006 hoda vyjaŭlena ŭ Jeŭropie (Ispanija) i ciapier vyjaŭlena ŭ Francyi, Italii, Hrecyi, Partuhalii, Turcyi, Niderłandach, Danii, a taksama Jehipcie, Maroka i šerahu inšych krain. Vusieni nanosiać značny ŭron nie tolki niepasredna paškodžvajučy liście, ściobły i płady tamataŭ, ale i stvarajučy spryjalnyja ŭmovy dla raźvićcia na ich patahiennych arhanizmaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?