27 krasavika pačaŭsia Treci fiestyval biełaruskamoŭnaj rekłamy AD.NAK. Navat kali vy nie prafiesijanał, ale zaŭždy maryli stvaryć kreatyŭnuju rekłamu na biełaruskaj movie -- jość mahčymaść zarehistravacca na sajcie adnak.by u jakaści ŭdzielnika i adpravić svaje pracy na razhlad žury.

Aznajomicca z naminacyjami, u jakich sioleta daviadziecca zmahacca ŭdzielnikam, možna na sajcie festa – usiaho ich adzinaccać. Jość navat uznaharoda za najhoršy rekłamy prajekt, jakim letaś była pryznanaja «Šakaładnaja Chatyń». Umovy ŭdziełu možna ŭbačyć tut

Vyniki buduć padviedzienyja 5 lipienia.

Ładziać fiestyval kulturnickaja kampanija “Budźma biełarusami!” i prajekt Marketing.by. Na siońniašniaj pres-kanfierencyi arhanizatary i pradstaŭniki rekłamnaha biznesu abmierkavali zapatrabavanaść biełaruskamoŭnaj rekłamy – pavodle statystyčnaha daśledvańnia

55 % biełarusaŭ žadajuć bačyć mienavita biełaruskamoŭnuju rekłamu,
kazali jany. A voś ajčynnyja vytvorcy jašče nie da kanca ŭśviadomili, što rekłama pa-biełarusku – nie tolki dadaje joj peŭnuju “razynku”, ale i całkam naturalna vyhladaje.

Ci stanie rekłama na biełaruskaj movie modnaj?

Zamiežnyja kampanii čaściej za ajčynnyja nastojvajuć na stvareńni rolikaŭ, płakataŭ i inšaj rekłamy na movie krainy, u jakuju prychodziać.
Mahčyma vyniki Treciaha festu AD.NAK daduć biełaruskim kampanijam stymuł zamaŭlać mienavita biełaruskuju rekłamu, bo pa jakaści jana nie sastupaje rekłamie rasiejskamoŭnaj, a časam byvaje kudy bolej kreatyŭnaj.

Na pieršy fest pryjšło 105 pracaŭ, na druhi – 272. Vidać, i sioleta vybirać budzie z čaho.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?