Druhaja rakietka śvietu Maryja Šarapava [biełaruska Viktoryja Azaranka upeŭniena zajmaje pieršy radok], jakoj 19 krasavika spoŭnicca 25 hadoŭ, raźmiaściła na svajoj staroncy ŭ Facebook 2 fatahrafii ŭ profil i anfas, na jakich jana paŭstała pierad miljonami zaŭziataraŭ u zusim novym abliččy — z karotkaj stryžkaj.

«Jak vam maja novaja stryžka? Mnie vielmi navat padabajecca!» — napisała Maryja ŭ svaim błohu i atrymała bolš za piać tysiač vodhukaŭ za šeść hadzin.

Adznačym, što z momantu debiutu ŭ prafiesijnym tenisie ŭ 14-hadovym uzroście Maryja, baćki jakoj vyjechali ŭ Sibir z Homiela, redka ekśpierymientavała sa svajoj fryzuraj.

Doŭhija bialavyja vałasy, što rassypajucca pa plačach pa-za kortam i sabranyja ŭ chvościk u čas matčaŭ, daŭno składajuć vobraz adnoj ź pieršych pryhažuń suśvietnaha sportu.

Niadaŭna Maryja pryznałasia svaim prychilnikam, što rasčaravałasia ŭ śviecie hłamuru i addaje pieravahu tenisu paziravańniem pierad kamierami.

«Niama ničoha bolš stamlajučaha, čym vychad na čyrvonuju dyvanovuju darožku. Ja nie chaču skazać, što na takich mierapryjemstvach ŭsie padroblenaje, ale ŭ cełym, ščyra kažučy, heta adna vialikaja iluzija. Tam vy bačycie zichotkich ludziej ź idealnym makijažam, jakija apranutyja ź ihołački. Praz paru hadzin ja prychodžu dadomu, pieraapranajusia, zmyvaju kaśmietyku i zadajusia pytańniem: «Kudy ž prapaŭ ŭvieś hety hłamur?»

Pa słovach Šarapavaj, zaraz jana vychodzić na kort z pačućciom vandroŭnika, jaki znajšoŭ aazis u pustyni. Tam jana zabyvaje ab usich prablemach — i heta dziŭnaje pačućcio.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?