Milicyja rasśleduje śmierć piensijanierki 1948 hoda naradžeńnia Juzefy Aryki, jakuju 15 krasavika znajšli miortvaj niedaloka ad mohiłak kala vioski Łazaviec Maładziečanskaha rajona. U žančyny byŭ prałamany čerap.

Jak paviedamiła apieratyŭny ŭpaŭnavažany vyšuku Maładziečanskaha rajadździeła milicyi Łarysa Kaciałoŭskaja, piensijanierka 13 krasavika pryjazdžała na mohiłki, dzie prybirała mahiłu svajho muža.

Milicyja šukaje mahčymych śviedkaŭ, jakija mahli bačyć pažyłuju žančynu na mohiłkach.

Juzefa Michajłaŭna Aryka. Naradziłasia ŭ Maładziečnie. Žyła na vulicy Budaŭnikoŭ, dom 1, kvatera 49. Była apranutaja ŭ bardovuju prašytuju kurtku z kapiušonam, čyrvonuju chustku, ciomnyja štany.

Zahinuŭšuju anatamiravała miedycynski sudovy ekśpiert Irena Sialickaja. Jana raskazała, što śmierć nastupiła ad adkrytaj čerapna-mazhavoj traŭmy, jakaja supravadžajecca adkrytymi askołačnymi pierałomami čerapa.

Pa słovach Ireny Sialickaj, śmierć nie mahła nastupić u vyniku darožna-transpartnaha zdareńnia. Traŭmy hałavy byli atrymanyja ad udaru ciažkim tupym pradmietam.

Usich, chto 13 krasavika byŭ na mohiłkach kala Łazaŭca, milicyja pierakanaŭča prosić paviedamić pra heta pa telefonach u Maładziečnie: 8 (0176) 77-16-56, 8 (0176) 74-96-83, 8 (0176) 77-03-12, pa mabilnych telefonach 8 (029) 761-75-25, 8 (029) 614-90-17 albo pa telefonie 102 u bližejšy adździeł milicyi.

Kanfidencyjalnaść harantujecca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?