Arhanizatary Alimpijady ŭ Łondanie źviarnulisia da menedžara hurtu The Who, kab zaprasić bubnača Kita Muna na kancert u honar zakryćcia Alimpijskich hulniaŭ. Kurjoz situacyi ŭ tym, što Kit Mun pamior u 1978 hodzie.

Menedžar adkazaŭ: «Na siońniašni dzień Kit Mun znachodzicca na terytoryi krematoryja Golden Green i źjaŭlajecca ŭvasableńniem radka ź pieśni My Generation „Spadziajusia, što pamru da taho, jak sastareju“. Ale kali arhkamitet Alimpijady maje kruhły stoł, šklanki i śviečki, my dapamožam pravieści śpirytyčny sieans i źviazacca z Munam».

Hurt The Who razam z The Beatles, The Rolling Stones i The Kinks staŭ simvałam «brytanskaha praryvu» ŭ kancy 60-ch. Siarod zasłuh hurtu — stvareńnie adnoj ź pieršych rok-opieraŭ «Tommy». Bubnač Kit Mun słaviŭsia ahresiŭnaj manieraj ihry, šalonym ładam žyćcia, a taksama zvyčkaj łamać barabany ŭ kancy kancertaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?