Aktyvist «Havary praŭdu», były palitviazień Pavał Vinahradaŭ byŭ vyklikany ŭ milicyju ŭ 13.00.
Jak jon patłumačyŭ žurnalistam, nieabchodnaść jaho vizitu ŭ RUUS była abhruntavana žadańniem milicyjantaŭ pravieści ź im vychavaŭča-prafiłaktyčnuju hutarku.
Paśla Paŭła advieźli ŭ sud Maskoŭskaha rajona Minska.
Jak paviedamiŭ u fejsbuku hramadski aktyvist Michaił Paškievič, spravu Paŭła adpravili na pierahlad, pakolki sud nie pracavaŭ, a samoha Vinahradava źmiaścili na noč u Centr izalacyi pravaparušalnikaŭ na Akreścina. Sud adbudziecca ci 31 śniežnia ci 2 studzienia. Takim čynam Pavieł sustrenie Novy hod za kratami.
Jak paviedamiła Radyjo Svaboda žonka Paŭła Śviatłana, jaje muža vinavaciać u tym, što jon nibyta łajaŭsia matam.
