U Dziaržaŭnym litaraturnym muziei Janki Kupały 29 śniežnia prajšli «Litaraturnyja Kalady», u miežach jakich udzielniki abjadnańnia «Litaraturnaje pradmieście» praviali aŭkcyjon «musaŭ».

«Musy» — niepatrebnyja rečy, jakija chobity, hieroi prozy Tołkijena, daryli adzin adnamu ź niejkaj nahody. Udzielniki abjadnańnia «Litaraturnaje pradmieście» taksama vyrašyli pakapacca ŭ svaich kładoŭkach. Łotami na aŭkcyjonie stali knihi, časopisy, dyski, fłeški, sšytki i navat kryštalnaja čarka, jakaja, pavodle słoŭ jaje byłoha ŭładalnika, pryznačajecca nie dla śpirtnoha, a dla supakojlivych kroplaŭ na piku litaraturnaha pośpiechu.

Jak papiaredzili ŭdzielnikaŭ arhanizatary mierapryjemstva, hałoŭnaje na takim aŭkcyjonie — tak prarekłamavać niepatrebnuju reč, kab jaje zachaciełasia kupić. Darečy, pakupki ažyćciaŭlali nie za biełaruskija rubli i navat nie za ŭmoŭnyja adzinki — dla aŭkcyjonu byli nadrukavany śpiecyjalnyja «litaraturnyja» hrošy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?