Mała chto vieryć, adnak u 2011 h. istotna źnizilisia ŭ realnym pieraličeńni nie tolki zarobki šarahovych biełarusaŭ, ale i dachody čynoŭnikaŭ. Suchaja ŭradavaja statystyka, a taksama pryznańni dziaržsłužačych pakazvajuć, što zarobki čynoŭnikaŭ rezka ŭpali ŭ dalaravym ekvivalencie.

Dźvie devalvacyi biełaruskaha rubla pryviali da taho, što prybytki dziaržsłužačych rezka źmianilisia. Dachodam navat asobnych vysokapastaŭlenych dziaržsłužačych siońnia zajzdrościć nie treba.

Načalnik upraŭleńnia adnaho ź ministerstvaŭ zarablaje zaraz 3,8 młn. rubloŭ.

«U hety zarobak užo ŭklučany 2-hi kłas dziaržaŭnaha słužačaha, i heta maksimum, što možna zarabić siońnia na hetaj pasadzie»,
 — padkreślivaje jon u hutarcy z karespandentam Naviny.by.

Načalnik adździeła (3-ci kłas dziaržaŭnaha słužačaha) u ministerstvie zarablaje siońnia 2 młn. 600 tys. rubloŭ.

Dla daviedki.

Kožnaj dziaržaŭnaj pasadzie adpaviadaje peŭny kłas dziaržaŭnaha słužačaha. Pavodle biełaruskaha zakanadaŭstva, dla dziaržsłužačych moža ŭstaloŭvacca vyšejšy kłas i 12 kłasaŭ (apošni, 12-y kłas, ličycca nižejšym). Kali ŭličyć, što čynoŭnik 2-ha kłasa zarablaje siońnia 3,8 młn. rubloŭ, to možna ŭjavić, kolki zarablajuć čynoŭnik 5-ha ci 8-ha kłasa.

***

Pavodle infarmacyi ź dziaržorhanaŭ, paśla majskaj devalvacyi zarobki dziaržsłužačych indeksavalisia. U rublovym pieraličeńni, jak paviedamili ŭ dvuch ministerstvach, za apošnija paŭhoda zarobak pavialičyŭsia na 30–40%. Na fonie devalvacyi, jakaja za hety ž pieryjad skłała amal 180%, dachody čynoŭnikaŭ u dalaravym vyrazie rezka apuścilisia.

«Prestyž dziaržaŭnaj słužby padarvany. Pry siońniašnim zarobku budzie adbyvacca adtok kadraŭ ź dziaržaŭnych orhanaŭ»,
 — miarkuje adzin z čynoŭnikaŭ.

Praces hety ŭžo pačaŭsia.

Adzin z byłych uradavych rabotnikaŭ, kali jaho zarobak źniziŭsia z 1000 (da devalvacyi) da 350 dołaraŭ, paru miesiacaŭ nazad syšoŭ ź dziaržsłužby.

«Siońnia mnohija dziaržsłužačyja śpiać i bačać, jak by pamianiać pracu. Ab źmienie pracy nie zadumvajucca chiba što ludzi pieradpiensijnaha ŭzrostu «, — raspaviadaje jon u intervju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?