Kali mierkavać pra situacyju ŭ ES pa navinach na biełaruskich dziaržkanałach, to Jeŭropa patanuła ŭ ciažkim kryzisie. Tam nie spyniajucca zabastoŭki, u mnohich krainach amal nie lotajuć samaloty i nie chodziać ciahniki, a ŭ ludziej niama hrošaj navat na kaladnyja padarunki.
Praŭda, jość nievialikaje vyklučeńnie — dobra žyviecca tam biełym ilvam, dyj toje ŭ niavoli.
Darečy, pavodle infarmacyi Jeŭrastata, mienavita brytancy, u jakich zhodna ź biełaruskaj dziaržprapahandaj niama hrošaj na kaladnyja padarunki, vydatkavali na Kalady bolš za ŭsich u ES — bolš za 1500 jeŭra ŭ pieraliku na kožnaha paddanaha brytanskaj karalevy. A kaladnyja vydatki samych vialikich «žabrakoŭ» u ES — ispancaŭ z partuhalcami, dzie ŭžo amal kožny čaćviorty — biespracoŭny, — znachodzilisia ŭ miežach ad 500 da 600 jeŭra na čałavieka. Pra takija vydatki nie toje što na Kalady, a chacia b na štohadovy adpačynak moža maryć siońnia 90% hramadzian «ščaślivaj» Biełarusi.
Prapanujem padborku tryźnieńnia dziaržaŭnych telekanałaŭ (ANT, STV, BT) pra situacyju ŭ Jeŭropie za apošni miesiac.
